Høyr rikets tilstand på nynorsk
I dag opna Stortinget offisielt for 159. gong. Tradisjonen tru vart det lest ei oppsummering av rikets tilstand på nynorsk.
Denne artikkelen er eldre enn 1 år gamal. Det betyr at noko av informasjonen kan vere utdatert.
Det er rett nok tradisjon at den yngste statsråden leser dokumentet «Om rikets tilstand» på nynorsk, og dimed ikkje nokon stor sensasjon. Men det er likevel flott å høyra kunnskapsminister Torbjørn Røe Isaksen stå der, i over ti minutt, og lesa om tilstanden til landet vårt på nynorsk.
Ei utfordring
– Det er jo tradisjon at yngste person i regjeringa leser opp rikets tilstand, og det er meg. Sidan trontalen er på bokmål så er denne på nynorsk, så det er kjend for å vera ei utfordring for ein del frå bokmålsområda i alle fall, sa kunnskapsministeren spøkefullt i eit intervju med NRK etter seremonien.
Reaksjonane kom og, mellom anna på Twitter.
Melding om rikets tilstand. På nynorsk. Som alltid. Vakkert! @konservativ burde lese på nynorsk oftare! #nynorsk #Stortinget
— Hanne Blåfjelldal (@Blaafjelldal) October 2, 2014
@konservativ leverte varene i Stortinget. Han bør tale oftare på nynorsk!
— Sveinung Rotevatn (@Rotevatn) October 2, 2014
Før talen skulle haldast, fekk og Røe Isaksen lukkeønskjer frå forgjengaren sin – i fjor var det Hadia Tajik (Ap) som las «Om rikets tilstand»
Lukke til med nynorsken i dag, @konservativ 🙂 #Noregstilstand #Stortinget
— Hadia Tajik (@HadiaTajik) October 2, 2014
