Gjev IMF gigantlån
Noreg tilbyr IMF eit lån på 55 milliardar kroner.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Dette gjer vi for å tryggja økonomien i Europa. Det vil gje renter og ei trygg plassering og er ein del av ein internasjonal pakke for å stabilisere verdsøkonomien, sa statsminister Jens Stoltenberg (Ap) då han oppsummerte det siste halvåret på ein pressekonferanse.
Statsministeren la til at Noreg tilbyr lånet fordi det er i interesse for landet å skapa orden i verdsøkonomien.
– Slik kan vi sakte, men sikkert koma ut av den krisa vi no er på veg inn i. Det er som ein sakte film, sa Stoltenberg.
I 2009 gav Noreg fondet eit lån på 30 milliardar kroner.
I byrjinga av desember sa finansminister Sigbjørn Johnsen (Ap) at han spesielt har merkt seg at EU-landa er samde om å stilla nye lånemiddel til disposisjon for IMF.
Siktemålet er å gje 200 milliardar euro i form av nye bilaterale lån. (©NPK)
