Over 60 000 i distrikta kan få sletta delar av studielånet
Over 60 000 personar fell truleg innunder ordninga med sletting av studielån i distrikta, opplyser forsikrings- og høgare utdanningsminister Sigrun Aasland.
Aasland opplyser om tala i eit skriftleg svar på spørsmål frå Erling Sande i Senterpartiet.
Anslaga er henta frå Lånekassen, og Aasland understrekar at dei ikkje har full oversikt over kor mange personar som vil søkje gjeldssletting.
Ordninga med sletting av studiegjeld med 25 000 kroner i året i distrikta blir innført slik ho opphavleg var planlagd.
Dette er saka
- Frå januar vil dei som bur i dei 189 minst sentrale kommunane i landet kunne få sletta 25 000 kroner utdanningsgjeld årleg.
- Dette omfattar 189 av dei 357 kommunane i landet.
- Ordninga gjeld dei minst sentrale kommunane på nivå 5 og 6, ifølgje sentralitetsindeksen til Statistisk sentralbyrå (SSB).
- Innbyggjarar i desse kommunane kan søkje om å få sletta 25 000 kroner av utdanningsgjelda per år.
- Det er inga tidsavgrensing på kor mange år du kan få sletta utdanningsgjeld.
- Gjeld frå utdanning og opplæring på alle nivå kan slettast, inkludert folkehøgskule, grunnskule, vidaregåande opplæring, høgare yrkesfagleg utdanning, og høgare utdanning.
- Du må ha vore i jobb i minst eitt år før du søkjer om å slette gjelda.
- Du må ha budd i ein av kommunane i ordninga i minst eitt år før du søkjer.
- Denne ordningar kjem i tillegg til den eksisterande ordninga for gjeldssletting i kommunane i innsatssona Finnmark og Nord-Troms. Dei som bur der, kan no få sletta 60 000 kroner per år.
Arbeidarpartiet snudde i haust etter nesten ei veke med bråk rundt deira forslag til statsbudsjett, der det opphavleg var foreslått kutt i ordninga med sletting av studiegjeld i distrikta og gratis ferje. Ap forsikra at ordningane skulle halde fram slik dei eigentleg var planlagde.
Erling Sande i Sp understrekar at gjeldssletting for dei som buset seg i distrikta, er eit målretta og effektivt verkemiddel.
– Me slettar studiegjeld fordi me vil at folk skal kunne velje å bu og jobbe i heile Noreg. Lærarar, helsepersonell, handverkarar og industriarbeidarar er heilt avgjerande for eit levande lokalsamfunn i heile Noreg, seier Sande.
Kommunane som blir omfatta av ordninga, er:
Alstahaug, Alvdal, Aremark, Aukra, Austevoll, Austrheim, Averøy, Bardu, Bokn, Brønnøy, Bømlo, Drangedal, Etne, Etnedal, Fitjar, Flå, Frosta, Gjemnes, Gjerstad, Gloppen, Grong, Grue, Hadsel, Haram, Heim, Hemnes, Hemsedal, Herøy (Møre og Romsdal), Hjartdal, Hjelmeland, Hol, Hustadvika, Hægebostad, Indre Fosen, Iveland, Kinn, Krødsherad, Kvinesdal, Kvinnherad, Kviteseid, Kvæfjord, Lund, Luster, Lærdal, Meråker, Midtre Gauldal, Målselv, Nesbyen, Nord-Fron, Nærøysund, Oppdal, Overhalla, Rauma, Rennebu, Rindal, Ringebu, Rollag, Røros, Saltdal, Sauda, Sel, Selbu, Seljord, Senja, Sigdal, Sirdal, Sogndal, Sokndal, Stad, Stranda, Stryn, Sunndal, Sunnfjord, Surnadal, Sør-Aurdal, Sør-Fron, Sørreisa, Tingvoll, Tinn, Tolga, Trysil, Tynset, Tysnes, Ullensvang, Vaksdal, Vegårshei, Vestnes, Vestre Slidre, Vestvågøy, Vindafjord, Vågan, Vågå, Våler (Innlandet), Øksnes, Ørland, Øystre Slidre, Ål, Åmli, Åmot, Årdal, Åsnes
Andøy, Askvoll, Aure, Aurland, Balsfjord, Beiarn, Bindal, Bremanger, Bygland, Bykle, Bø, Dovre, Dyrøy, Dønna, Eidfjord, Engerdal, Evenes – Evenášši, Fedje, Fjaler, Fjord, Flakstad, Flatanger, Folldal, Frøya, Fyresdal, Gildeskål, Grane, Gratangen, Gulen, Hamarøy, Hattfjelldal, Herøy (Nordland), Hitra, Holtålen, Hyllestad, Høyanger, Høylandet, Ibestad, Kvitsøy, Leirfjord, Leka, Lesja, Lierne, Loabák – Lavangen, Lom, Lurøy, Lødingen, Masfjorden, Meløy, Modalen, Moskenes, Namsskogan, Nesna, Nissedal, Nore og Uvdal, Os, Osen, Rendalen, Rødøy, Røst, Raarvihke – Røyrvik, Salangen, Sande, Skjåk, Smøla, Snåase – Snåsa, Solund, Steigen, Stor-Elvdal, Suldal, Sømna, Sørfold, Tjeldsund, Tokke, Træna, Tydal, Ulvik, Utsira, Valle, Vang, Vanylven, Vega, Vevelstad, Vik, Vinje, Værøy, Åfjord, Åseral
Karlsøy, Lyngen, Storfjord – Omasvuotna – Omasvuono, Gáivuotna – Kåfjord – Kaivuono, Skjervøy, Nordreisa, Kvænangen, Alta, Hammerfest, Sør-Varanger, Vadsø, Kárásjohka -Karasjok, Guovdageaidnu – Kautokeino, Loppa, Hasvik, Måsøy, Nordkapp, Porsanger – Porsángu – Porsanki, Lebesby, Gamvik, Deatnu – Tana, Berlevåg, Båtsfjord, Vardø, Unjárga – Nesseby
