Amrit Kaur bryt med Raud Ungdom – vil byggje opp kommunistpartiet
Raud Ungdoms (RU) tidlegare leiar Amrit Kaur har meldt seg ut av partiet – og inn i Revolusjonært kommunistisk forbund.
Der skriv ho også at ho har vorte med i den maoistiske organisasjonen Revolusjonært kommunistisk forbund (RK).
Til avisa seier ho at ho melder seg ut av RU fordi det er ungdomspartiet til Raudt.
– Og det gjer at dei blir veldig tvinga til å jobbe parlamentarisk. For revolusjonære som meg er det ikkje rett å bruke kreftene på det.
Kaur gjekk av som ungdomspartileiar i september etter at ho hadde lagt ut ein video på TikTok der ho sarkastisk kommenterte drapet på den amerikanske ytre høgre-aktivisten Charlie Kirk.
Ho fekk også kritikk då ho i mai i fjor publiserte ein TikTok-video der ho mellom anna stempla statsminister Jonas Gahr Støre, Nato-sjef Jens Stoltenberg og oljefondssjef Nicolai Tangen som terroristar.
No har ho forlate Raud Ungdom og vorte med i RK. RK trur ikkje på den forma for demokrati som vi har i Noreg – og Maos Kina og Stalins Sovjet blir løfta fram som kjelder til inspirasjon. Dei omtaler seg sjølve som ein partiførebuande organisasjon, som jobbar for å byggje det kommunistiske partiet i Noreg.
Har du fått med deg desse sakene?
- Kva skjedde eigentleg i Raud Ungdom
- Kaur meiner ho stod åleine etter TikTok-bråket
- Raud Ungdom-leiar går av etter massivt press
