Vekas viktigaste: Forsvarsplan, båtforlis og fleire til yrkesfag
Kollasj av Framtida. | Foto: Emil Helms/Ritzau Scanpix via AP, El Salvador presidential press office via AP og Maxime Agnelli via Unsplash
Her er nokre av dei viktigaste sakene frå veka som gjekk.
Åshild Slåen
Publisert
Slutt på våpenkvile i Gaza
Torsdag gjekk Israel sitt militære (IDF) på nytt inn i Gaza etter å ha gjennomført fleire bombeåtak denne veka.
Israelske styresmakter seier at Hamas framleis har 59 gissel, der 24 skal vere i live. Onsdag sa den israelske forsvarsministeren at det var siste sjanse for å frigi desse gislane.
Våpenkvileavtala mellom Israel og Hamas er dermed broten.
IDF seier til NRK at dei går til åtak på terroristar. Over 400 palestinarar skal vere drepne på Gaza i løpet av dei siste døgna.
Ei israelsk stridsvogn på den sørlege grensa til Gaza 19. mars 2025. | Foto: AP Photo/Ariel Schalit
Noreg er invitert inn i forsvarsplan av EU
EU ynskjer eit sterkt partnarskap med Noreg i den nye forsvarsplanen sin, ifølgje NTB. Dei la fram planen onsdag, der Noreg er peika ut som partnarland.
Planen involverer ei stor satsing på forsvar framover. Det kjem i kjølvatnet av tvilen rundt tryggingsgarantien frå USA, spesielt dersom Russland trugar resten av Europa.
EU føreslår å frigjere 800 milliardar euro gjennom forskjellige lån og ved å lette på økonomiske restriksjonar, slik at medlemslanda kan bruke meir pengar på forsvar, ifølgje Deutsche Welle. Landa vil frå neste månad kjøpe inn fleire våpen.
Planen nemner også andre potensielle samarbeidsland, som Tyrkia, Storbritannia, Ukraina, Canada, Australia, Sør-Korea og Japan.
EU har ein ny forsvarsplan der dei ynskjer å samarbeide med Noreg. Her med EU-president Ursula von der Leyen som helsar på danske soldatar 18. mars. | Foto: Emil Helms/Ritzau Scanpix via AP
Ein dommar la ned stoppordre mot å bruke lova, men sundag hadde allereie 250 personar blitt sende ut. Dei er sende til eit fengsel i El Salvador, CECOT-fengselet, der USA har inngått ei avtale med presidenten. Dei fengsla skal ifølgje utanriksminister Marco Rubio vere medlem av organisasjonen Tren de Aragua, som har base i Venezuela.
Ifølgje fleire juristar frå Venezuela er ikkje personane som er sette i fengsel tiltala for noko i USA eller El Salvador, og landet vil gjere det dei kan for å frigi dei fengsla, skriv nyheitsbyrået Reuters.
Fengselsbetjentar transporterer deporterte fangar frå USA. Biletet er delt av presidenten i El Salvador sitt pressekontor. | Foto: El Salvador presidential press office via AP
Fleire ungdommar søker seg inn på yrkesfag
I år søkte 211 000 på vidaregåande opplæring, viser tal frå Utdanningsdirektoratet. Av desse har 54 prosent yrkesfag som fyrsteønske, som er det høgaste talet nokosinne.
Fleire gutar enn jenter søker på yrkesfag, med 60 prosent mot 47 prosent, men interessa har auka med 2 prosent blant jentene.
Samstundes er studiespesialisering den mest populære linja, som fyrsteval for 32 prosent av alle søkarar.
Yrkesfag blir meir populært blant unge. | Illustrasjonsfoto: Maxime Agnelli via Unsplash
Båtforlis i Middelhavet – fryktar over 40 døde
Minst 56 personar var om bord i ein migrantbåt som forliste denne veka i Middelhavet. Italienske styresmakter gjennomførte ein redningsaksjon aust for den italienske øya Lampedusa, som ligg rundt hundre kilometer frå tunisisk fastland.
Dei redda ti personar, men fann seks personar døde seinare. Dei attverande 40 personane er per torsdag framleis sakna.
Båtforliset skjedde utanfor øya Lampedusa. | Illustrasjon av Framtida via Datawrapper
Lyspunkt: Framleis fleire velgjerande handlingar enn før pandemien
Torsdag kom verdas lykkerapport for 2024 ut, som kvart år rangerer kor lukkelege forskjellige land er.
Ifølgje rapporten gjennomfører folk 10 prosent fleire velgjerande handlingar no enn dei gjorde før pandemien.
Det er trass i at andre faktorar har stabilisert seg til korleis dei var før 2020.
Den årlege lykkerapporten viser at fleire gjer velgjerande handlingar enn før pandemien, og det hjelper dei som er ulukkelege mest. | Foto: Matheus Ferrero via Unsplash
Vil du få Vekas Viktigaste rett i innboksen?
Nyheitsbrevet kjem fredag morgon. Dersom du vil at vi skal fjerne deg frå lista er det berre å klikke på avabonner nedst i e-posten.
Me bruker cookies og andre tekniske løysingar for å forbetra opplevinga di av nettstaden vår, analysera bruksmønster og levera relevante annonser. I den oppdaterte personvernerklæringa vår kan du lesa meir om kva for informasjon me samlar inn og korleis denne blir brukt. Les meir!Ok, eg forstår
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
