Snart er det sannsynlegvis nokon andre som kan smykke seg med tittelen verdas største nynorskkomune. | Foto: Paul Kleiven / NTB / NPK
Ålesund vil ikkje lenger vere verdas største nynorskkommune
Eit nesten einstemmig formannskap i Ålesund har vedteke at dei ønskjer ein språknøytral kommune.
Denne artikkelen er eldre enn 1 år gamal. Det betyr at noko av informasjonen kan vere utdatert.
Berre SV-representanten stemte imot forslaget om å gjere Ålesund til ein språknøytral kommune, skriv Sunnmørsposten.
Det er til sjuande og sist kommunestyret som skal gjere det endelege vedtaket, men mykje tydar på at formannskapet sitt forslag vert ståande.
I praksis vil det seie at kommunen skal vere språknøytral der det er valfritt for dei tilsette å bruke enten nynorsk eller bokmål.
Kommunen skal òg melde seg ut av Landssamanslutninga for nynorskkommunar.
Annonse
