Warner Bros. Japan kritiserer «Barbenheimer»-fenomenet
Filmselskapet meiner den amerikanske motparten er ufølsam i marknadsføringa si.
Denne artikkelen er eldre enn 1 år gamal. Det betyr at noko av informasjonen kan vere utdatert.
Japanske Warner Bros. har gått ut og offisielt kritisert sin amerikanske motpart for korleis dei har reagert på «Barbenheimer»-fenomenet.
Filmane Oppenheimer og Barbie er to av sommarens største filmar, som hadde premiere på same dag. Eit populært fenomen har difor vore å sjå dei to veldig forskjellige filmane på same dag, gjerne med passande klede. Mange har også delt bilete og reklame på sosiale medium der dei har redigert saman filmane.
I det siste har fleire i Japan kritisert «Barbenheimer»-innhald. Oppenheimer er ein biografisk film om ein av mennene som sto bak utviklinga av atombomba, og det å blande dette med Barbie-filmen synest mange japanarar er ufølsamt med tanke på bombinga av Hiroshima og Nagasaki.
På sosiale medium har den offisielle Barbiefilm-kontoen blant anna delt redigerte reklameplakatar av Barbie som køyrer bort frå ei bombesprenging, og Oppenheimer som held Barbie oppe.
バービーの映画は公式がもう完全に原爆やキノコ雲のミーム化に乗っかってるから駄目だ。ファンが盛り上がってるだけで公式にはその意図がなかったなんて言葉じゃ救いようがない。終わってる。#NoBarbenheimer pic.twitter.com/ONg4YJeigO
— かろ (@aqbl_000) July 30, 2023
I ein uttale på den offisielle japanske Barbie-kontoen på X, tidlegare Twitter, seier Warner Bros. Japan blant anna at dei:
” … synest reaksjonen på den fan-drivne rørsla frå den offisielle amerikanske Barbiefilm-kontoen er ekstremt beklageleg. Vi tek dette veldig seriøst og ber det amerikanske kontoret om å følgje dette opp på ein passande måte.»
Dei ber også om unnskylding til dei som er fornærma.
— 映画『バービー』公式 (@BarbieMovie_jp) July 31, 2023
Postane til den amerikanske kontoen er no sletta, og amerikanske Warner Bros. har kome med ei offisiell unnskylding.
- Les også filmmeldinga av Oppenheimer: Den perfekte filmatiseringa av ei sann hending
Cillian Murphy speler hovedrolla i den nye storfilmen Oppenheimer. Foto: © Universal Studios. All Rights Reserved.
- Filmmeldinga av Barbie: Mykje moro i Barbieland, sjølv om konseptet skurrar litt
Margot Robbie speler Barbie i ein av sommarens største storfilmar. © 2023 Warner Bros. Entertainment Inc. All Rights Reserved.
