Nyhende- og debattavisa for unge
Politiet testar eit nytt varslingssystem.
Denne artikkelen er eldre enn 1 år gamal. Det betyr at noko av informasjonen kan vere utdatert.
Denne saka var først publisert hjå Framtida Junior.
I dag klokka 12 vil alle mobilar i heile landet pipe og vibrere. Politiet testar å sende ut nødvarsel til alle norske mobilar på ein gong, står det i ei pressemelding. Sivilforsvaret vil teste ut sireneanlegget det same tidspunktet.
Mobilen vil vibrere og spele av ein høg lyd i 10 sekund. Ein tekst som seier at det er eit nødvarsel vil vise på skjermen.
Varselet vil komme til alle mobilar som ikkje er i flymodus eller skrudd av.
Politiet testar ut å sende nødvarsel slik at dei er sikre på at dei har moglegheita til å gi same beskjed til alle i Noreg samtidig. Ved å sende eit nødvarsel kan dei gi beskjed om kva som skjer og kva du bør gjere i ein farleg situasjon.
