Haaland verd nesten 2 milliardar – her er dei ti dyraste norske spelarane
Erling Braut Haalands antekne salspris er på full fart mot 2 milliardar kroner. Martin Ødegaard har dobla verdien på halvtanna år.
![](https://framtida.no/wp-content/uploads/2023/11/NPK-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Den anerkjende nettstaden Transfermarkt har desse prisvurderingane av norske stjerner:
1: Erling Braut Haaland (Manchester City)
Haalands verdi blir anslått med dagens valutakurs til 1944 millionar kroner. Berre Kylian Mbappé ligg føre nordmannen med 2,05 milliardar som anslått salspris.
![Haaland feirar etter å ha scora mål](https://framtida.no/wp-content/uploads/2023/04/NTB_wQF6FDb4Uxc-e1681458095164.jpg)
Erling Braut Haaland både scora mål og leverte assist i Champions League-kampen mot Bayern München tysdag 11. april. Nordmannen tok dimed enda ein rekord. Han er den første Premier League-spelaren som scorar 45 mål på éin sesong i alle turneringar. Foto: Tim Goode/PA via AP
2: Martin Ødegaard (Arsenal)
Ødegaard har dobla sin verdi sidan mars 2021. Den er no 914 millionar kroner.
![Ødeegard hoppar i lufta og jublar](https://framtida.no/wp-content/uploads/2023/04/NTB_VkE7uYxLAmA-e1681460730666.jpg)
Arsenal-kaptein Martin Ødegaard har hatt mykje å juble over denne sesongen. Lagets hans ligg øvst på tabellen i Premier League, og han vart kåra til årets spelar i London. Foto: AP Photo/Frank Augstein
3: Sander Berge (Sheffield United)
Sander Berge blir verdsett til 205 millionar. Klubben hans er høgst truleg på veg opp i Premier League.
![Berge i duell med motspelar om ballen på bana.](https://framtida.no/wp-content/uploads/2023/04/NTB_ZKNJEbiwmy4-e1681458561313.jpg)
Sander Berge gjer det bra i Sheffield United. Dei er i dag i Championship, men ligg an til å rykke opp til toppdivisjonen i England. Foto: AP Photo/Jon Super
4: Fredrik Aursnes (Benfica)
Fredrik Aursnes har fått full fart på karrieren etter flyttinga til Portugal. Verdi: 182 millionar.
![Aursnes i raud drakt i ferd med å dempe ballen.](https://framtida.no/wp-content/uploads/2023/04/NTB_JmPI4d6PobE-e1681458821311.jpg)
Fredrik Aursnes speler på det portugisiske storlaget Benfica. Her under ein Champions League-kamp mot Brugge tidlegare i år. Foto: AP Photo/Armando Franca
4: Kristoffer Ajer (Brentford)
Kristoffer Ajer har ikkje hatt nokon god sesong og har vore mykje skadd. Likevel er han prissett til 182 millionar.
![To spelarar kjempar om å heade ballen.](https://framtida.no/wp-content/uploads/2023/04/NTB_EVt2IB3IAtg-e1681461004736.jpg)
Denne duellen vann Kristoffer Ajer på Brentford. Foto: AP Photo/Rui Vieira
6: Mohamed Elyounoussi (Southampton)
Mohamed Elyounoussi er stabiliteten sjølv og ligg stabilt på ein 137-millionverdi.
![To spelarar kjempar om ballen](https://framtida.no/wp-content/uploads/2023/04/NTB_9_mpm4atZYY-e1681460224780.jpg)
Mohamed Elyounoussi er ein del av stallen til Southampton. Her i duell med Darwin Nunez på Liverpool i ein Premier League-kamp tidlegare i sesongen. Foto: AP Photo/Jon Super
6: Alexander Sørloth (Real Sociedad)
Alexander Sørloth har falle mykje i verdi sidan toppen i august 2020. Han er i dag verdsett til 137 millionar kroner.
![Ung mann sparkar ballen](https://framtida.no/wp-content/uploads/2023/04/NTB_rZcRFfRQOnE-e1681461567702.jpg)
Her er Alexander Sørloth i ferd med å klinke ballen i mål for Real Sociedad i ein Europa League-kamp tidlegare i sesongen. Foto: AP Photo/Miguel Oses
8: Jørgen Strand Larsen (Celta Vigo)
Jørgen Strand Larsen sin antekne pris ligg på 125 millionar.
![Ung mann i kvit Noreg-drakt på fotballbana](https://framtida.no/wp-content/uploads/2023/04/NTB_HBQsPS-JECU-e1681461942594.jpg)
Jørgen Strand Larsen spelar for den spanske klubben Celta Vigo. Her er han i aksjon for det norske landslaget.
Foto: Fredrik Varfjell / NTB
9: Julian Ryerson (Borussia Dortmund)
Julian Ryerson er på veg opp i verdi og ligg i dag på 114 millionar.
![Ung mann i gul trøye spring med ballen](https://framtida.no/wp-content/uploads/2023/04/NTB_ycjfOSJ-J9s-e1681459557151.jpg)
Tyske Borussia Dortmund har skaffa seg ein ny nordmann. Her er Julian Ryerson i aksjon i ein bundesligakamp mot Augsburg. Foto: AP Photo/Martin Meissner
10: Andreas Schjelderup (Benfica)
18-åringen Andreas Schjelderup er einaste tenåring på topp-10 blant norske spelarar. Verdi: 102 millionar kroner.
![Ung mann i svart fotballdrakt varmar opp](https://framtida.no/wp-content/uploads/2023/04/NTB_GbOk4m1Qnag-e1681460001971.jpg)
Andreas Schjelderup på trening med Benfica på treningsleir i Seixal, utanfor Lisboa 10. april 2023. Foto: AP Photo/Armando Franca