Denne saka var først publisert hjå Framtida Junior.

Materialet er kalla «StarCrete», eit ordspel på det engelske ordet for betong, og er laga av utanomjordisk støv, potetstivelse og salt, fortel Universitetet i Manchester.

Materialet er dobbelt så sterkt som betongen me har på jorda. Det må det vera for å halda seg heilt under trykket frå den tunge atmosfæren på Mars.

Laga eige Mars-støv

Sidan støv frå Mars er vanskeleg og dyrt å få tak i, måtte forskarane laga kunstig Mars-støv for å utvikla materialet.

Målet deira var å laga ei oppskrift på betong som blir lett å laga når astronautar skal i gang med å byggja forskingsstasjonar på andre planetar.

Dei fekk òg til å laga StarCrete med støv frå månen. Den var enda sterkare enn den med støv frå Mars.

• Les også: Vulkanar på Venus er aktive