Rådet meiner drakta i spelet har stole frå samisk kultur.
Denne artikkelen er eldre enn 1 år gamal. Det betyr at noko av informasjonen kan vere utdatert.
Antrekket kan kjøpast for 18 dollar.
– Dei bruker noko som tilhøyrer det samiske folket til kommersiell bruk. Dette er det tydelegaste symbolet på det samiske, og er av spesiell betydning for samane, seier finske Áslat Holmberg, president i Samerådet, til VG.
16. februar la rådet ut eit innlegg på Twitter der dei forklarte standpunktet sitt:
🚫 The Saami Council demand @SquareEnix to immediately remove the Final Fantasy XIV costume set “Far Northern Attire”! These elements are Sámi property and Square Enix has infringed on our rights
More info: https://t.co/eeRt13chx0 pic.twitter.com/l4CyQfXd0E
— The Saami Council (@SaamiCouncil) February 16, 2023
Dei har no sendt eit brev til spelselskapet. Her har dei bede om at antrekket blir fjerna frå spelet omgåande.
Samerådet er eit politisk samarbeidsorgan for dei samiske organisasjonane i Finland, Noreg og Sverige.
– Vi meiner dette er ein tydeleg kopi av den samiske folkedrakta, eller at det har ein sterk relasjon til samiske symbol. Vi vil at dei skal vite at dei har brukt kulturarven vår utan å ha nokon kontakt med oss – vi vil reise denne problemstillinga, seier Holmberg.
Spelet er produsert av det japanske spelselskapet Square Enix. Selskapet har førebels ikkje svart på VGs førespurnad.
- Les også om kostymedebatten: – Vitnar om mangel på vilje til å lære barn om landet dei bur i
