Ny rapport: Unge er mest uroa for å bli råka av kriser
Denne artikkelen er eldre enn 1 år gamal. Det betyr at noko av informasjonen kan vere utdatert.
– Vi ser ei auke i antal som er bekymra for krigshandlingar på norsk jord, forsyningskrise og langvarig straumbrot, seier Elisabeth Aarsæther til VG.
Ho er direktør i Direktoratet for samfunnstryggleik og beredskap (DSB), som i dag lanserte si årlege befolkningsundersøking om eigenberedskapen i norske hushald.
Unge meir uroa
Undersøkinga vart gjennomført av Ipsos blant 1001 deltakarar i veke 50 og 51 i 2022. Svara tydar på at særleg unge er uroa for å verta råka av store kriser.
Uroa for at ein sjølv eller nokon av dei næraste kan bli direkte råka av ei større hending/krise. Del av total som svarar «ganske bekymra» eller «veldig bekymra»:
TRYKK PÅ BILETET SÅ VERT DET STØRRE.
Flest uroar seg for cyberåtak, etterfølgt av terror, atomulukke og langvarig straumbrot.
Aarsæther fortel vidare at DSB opplevde at fleire oppsøkte nettstaden sikkerhverdag.no i kjølvatnet av angrepet på Ukraina for eitt år sidan.
– Fleire enn før lagrar mat og vatn. I undersøkinga seier også tre av ti at dei har styrkt sin eigenberedskap dei siste to åra, seier DSB-direktøren til VG.
Les også: Har du alt som trengst i ditt eige beredskapslager?
Foto: DSB
