Hasteforslag om vernemur vedteke på Island
Alltinget på Island har vedteke eit lovforslag for å verne viktig infrastruktur på halvøya Reykjanes, der det er frykt for eit vulkanutbrot.
Denne artikkelen er eldre enn 1 år gamal. Det betyr at noko av informasjonen kan vere utdatert.
Forslaget frå statsminister Katrín Jakobsdóttir vart vedteke rett før midnatt, melder kringkastaren Ruv.
Ifølgje justisminister Guðrún Hafsteinsdóttir vil det tysdag bli gitt fullmakt til å starte bygging av ein vernemur.
– Eg vil gi rikspolitiet fullmakt til å starte bygging av forsvarsverk for å verne kraftverket i Svartsengi i morgon, seier justisministeren, som er letta over at forslaget vart vedteke før Alltinget avslutta for natta.
Fredag kveld vart tettstaden Grindavik sørvest for Reykjavik evakuert på kort varsel. I fleire dagar har ein venta på eit vulkanutbrot på halvøya Reykjanes, der mellom anna flyplassen Keflavik og dei varme kjeldene kjent som Den blå lagunen, ligg.
- Vil du teste islandskunnskapen din? Ta quizen: Kor mykje islandsk forstår du?
- Les også om klimaberedskap i Noreg: – Vi er ikkje førebudde
Eit hus i Tangevik i Ål vart råka av ekstremvêret «Hans».
