Vald, både i ord og handling, er totalt uakseptabelt som verkemiddel i miljøsaka, skriv fem miljøorganisasjonar i eit felles opprop.
NPK-NTB / Åshild Slåen
NPK-NTB / Åshild Slåen

Oppropet til miljøorganisasjonane kjem etter klimaaktivisten Joachim Skahjem sa at han trudde vald vil bli brukt i klimakampen på Debatten på NRK.

Organisasjonane tek avstand frå utsegna.

– I heile norsk miljøhistorie har fagkunnskap, skikkelegheit og ikkjevald vore sentrale og berande prinsipp. Slik skal det framleis vere, heiter det i oppropet.

Det er Naturvernforbundet, Framtiden i våre hender, Natur og Ungdom, Greenpeace Norge og WWF Verdsnaturfondet som står bak oppropet.

– Heldigvis er det brei semje om dette i miljørørsla. Sivil ulydnad er ein viktig del av demokratiet, men vi tek total avstand frå alle handlingar med vald som verkemiddel. Slike handlingar har ingen plass i rørsla vår, skriv dei.

Joachim Skahjem har sidan programmet sagt at han forlèt organisasjonen Stopp Oljeletinga, skriv TV2.


Anna Nes er leiar i DNT ung. Foto: Marius Dalseg / DNT
Oppdatert: fredag 25. november 2022 15.54

LES OGSÅ

ANNONSE