7-åring blir det første barnet som får senda noko til månen
Denne artikkelen er eldre enn 1 år gamal. Det betyr at noko av informasjonen kan vere utdatert.
Denne saka var først publisert hjå Framtida Junior. Der kan du òg lese om korleis Dei sameinte arabiske emirata vil bruke dronar for å kontrollere vêret og kva dyremote sjimpansen Julie har skapt!
Britiske Elizabeth Norman er besett av verdsrommet. Så interessert er ho, at ho tidlegare i år iscenesette oppskytinga av ein massiv rakett frå hagen sin.
Den enorme entusiasmen hennar for månen fanga merksemda til amerikanske ekspertar, som for tida gjer seg klar for den første månelandinga på nesten 50 år.
Klistremerke på månen
Sjølv med liten plass att om bord i romskipet som skal til månen, har United Launch Alliance (ULA) no tilbode seg å ta noko som tilhøyrer «Astro Liz», skriv Metro.
Ho kjem til å senda eit klistremerke med logoen og namnet til bloggen sin, pluss kontaktinformasjonen hennar. Der vil det bli verande i hundreår framover.
– Eg gler meg til å sjå videoen av klistremerket mitt på månen, som blir tatt av månelandaren, seier Elizabeth.
View this post on Instagram
- Ta quizen: Kor mykje kan du om den første månelandinga?
Vil bli astronaut
Elizabeth har allereie starta den fysiske treninga si for å ein dag bli astronaut. Treninga førebur astronautar for romoppdraga deira, og inkluderer yogarutinar for å forbetra styrke og fleksibilitet.
– Eg elskar vitskap og verdsrommet fordi det er så mykje å læra, og eg elskar å utforska og gjera eksperiment. Måla mine for framtida er å gå på månen og å utforska det høgaste fjellet på Mars, seier ho.
Elizabeth sin lidenskap for verdsrommet tok av etter at ho såg dekninga av NASA sin Perseverance Rover som vart sendt til Mars i juli 2020. Det pirra ei interesse for å læra seg alt ho kan om verdsrommet. Mykje av det ho lærer lastar ho opp på YouTube-kanalen sin.
View this post on Instagram
- Lurer du på om du har det som trengst for å verte astronaut? Sjå krava!
Les også om astronautane som vart dei første kvinnene til å utføre ei romvandring åleine: – Det er verkeleg fint å sjå kor langt vi har kome
Christina Koch (t.v) og Jessica Meir vert dei første kvinnlege astronautane som flyt i verdsrommet utan ein mannleg astronaut i følget. Foto: NASA
