Datatilsynet varslar gebyr på 100 millionar kroner til datingapp
Denne artikkelen er eldre enn 1 år gamal. Det betyr at noko av informasjonen kan vere utdatert.
– Den førebelse konklusjonen vår er at Grindr har utlevert personopplysningar om brukarane til ei rekkje tredjepartar utan rettsleg grunnlag, seier direktøren i tilsynet Bjørn Erik Thon i ei pressemelding.
Datatilsynet meiner at Grindr treng samtykke for å dele desse personopplysningane og at dei samtykka appen samla inn, ikkje var gyldige.
Appen er lokasjonsbasert og blir hovudsakleg brukt av homofile og bifile menn, transpersonar og skeive, ifølgje Datatilsynet.
– Vi meiner at det å vere Grindr-brukar er ein særleg kategori sensitive personopplysningar som bør vernast fordi det seier noko om den seksuelle legninga til vedkommande, skriv tilsynet i pressemeldinga.
Les også: Kor mykje veit Google og Facebook om deg? Slik sjekkar du det enkelt
Dei store teknologiselskapa haustar data om oss i store mengder. Men det er blitt enklare å sjå dei i korta. Foto: Eirik Tangeraas Lygre
