Rockestjerna Dave Grohl utfordra til «tromme-battle» med 10-åring – sjå korleis det gjekk!
Rockestjerna og Foo Fighters-sjefen Dave Grohl møtte youtube-stjerna Nandi Bushell til tromme-battle.
Denne artikkelen er eldre enn 1 år gamal. Det betyr at noko av informasjonen kan vere utdatert.
Nandi Bushell (10) frå Storbritannia har blitt kjent på Youtube for mange av dei hardtslåande trommevideoane sine. Tiåringen har over 140.000 abonnentar og videoane hennar er sett fleire millionar gonger.
I vinter blei ho kjent for versjonen sin av «No one knows» av rockebandet Queens of the Stone Age. Ho har òg spelt «In Bloom»-låta til Nirvana. 17. august spelte ho ein strålande versjon av Foo Fighters-låta «Everlong».
Dave Grohl er frontmann i Foo Fighters, men har òg spela trommer for Queens of the Stone Age. Foto: Craig Carper, CC-BY-SA
Originalsongane har Dave Grohl bak trommene.
Drøymer om å spela i lag med Foo Fighters
Då Nandi la ut sin versjon av «Everlong» (sjå øvst!), skreiv ho:
– Draumen min er å ein gong spela i lag med Dave Grohl, Taylor Hawkins og alle dei andre i Foo Fighters! Herr Grohl, eg ville elska å ha eit «tromme-battle» med deg. Eg ELSKAR «Everlong» – den er skikkeleg vanskeleg å spela. Den er så rask, men så gøy å spela.
Førre helg, svarte Grohl på utfordringa. Han sa i ein video på Twitter at han var blitt bombardert med hundrevis av meldingar om utfordringa frå den unge trommisen.
Hey @Nandi_Bushell!
Challenge accepted.
Haven’t played these songs in a loooooong time…..thanks for the inspiration!!!
Your move!!!
Your friend in rock,
Dave(Thanks to my daughter, Harper for letting me borrow her drum set) pic.twitter.com/Ytq47CcZRC
— Foo Fighters (@foofighters) August 29, 2020
Grohl spelte kring 30 sekund av «Everlong», og sa at han ikkje hadde spelt songen sidan han blei spelt inn for 23 år sidan.
Etter dette utfordra han Nandi Bushell til å spela Them Crooked Vultures-låta «Dead End Friends».
– Eg har sett alle videoane dine, og eg har sett deg på tv. Du er ein utruleg trommis. Eg er skikkeleg stolt over at du har valt nokre av songane mine i videoane dine, sa Grohl til 10-åringen, før han la til:
– Dette var svaret på utfordringa di. No er ballen hos deg!
Nandi Bushell svarte på Twitter rett etter at dette var uverkeleg, og at ho ikkje kunne tru at Dave Grohl hadde akseptert utfordringa frå ho:
This is UNREAL! I can’t believe Dave Grohl actually accepted my drum battle, Thank you! Now it’s my turn to learn ‘dead end friends’ by @crookedvultures! I am going to checkmate this one too! Thank you Harper for lending your Dad the kit! @foofighters #davegrohl #foofighters pic.twitter.com/gAyoVYSySM
— Nandi Bushell (@Nandi_Bushell) August 29, 2020
Sist veke svara Nandi tilbake, og Dave Grohl svara tilbake at ho vinn første runde, men at dette ikkje er over.
– Gjer deg klar! For eg har tenkt ut noko heilt spesielt, skriv han i den siste meldinga så langt…
Ok, @Nandi_Bushell ……you win round one….but it ain’t over yet! Buckle up, cuz I have something special in mind…
Stay tuned,
Dave https://t.co/THyApmHHep— Foo Fighters (@foofighters) September 4, 2020
- Les også om: 14-åringen som laga dansen heile verda dansar
Tik Tok har dei siste to åra rukke å bli ein av dei mest populære appane i verda. Her ser vi 14 år gamle Jalaiah Harmon (i midten) som står bak den verdskjende dansen the Renegade. Skjermdump frå TikTok.
