K-pop-fans kuppa emneknaggen #WhiteLivesMatter
Musikkentusiastane støttar Black Lives Matter-demonstrasjonane ved å drukne ut rasisme frå sosiale medium.
Denne artikkelen er eldre enn 1 år gamal. Det betyr at noko av informasjonen kan vere utdatert.
I snart to veker har det vore landsomfattande demonstrasjonar i USA. Dei vart utløyste av dødsfallet til den uvæpna afroamerikanaren George Floyd, men tek eit oppgjer med den strukturelle rasismen som pregar landet.
Emneknaggen #BlackLivesMatter har vore hyppig brukt for å vise støtte til saka, men motrøyster tek i bruk konkurrerande emneknaggar som #WhiteLivesMatter, #BlueLivesMatter og #AllLivesMatter.
Men dersom ein scrolla gjennom emneknaggane på tampen av førre veke var innhaldet totalt dominert av noko uventa: K-pop.
#MAGA #BlueLivesMatter #AllLivesMatter #Trump2020 #WhiteLivesMatter #BlueLivesMatters #MAGA2020 #WhiteLivesMattter Stan red velvet❤️???☺️✨???✌? pic.twitter.com/tnkKrcn2Gn
— almaakadissapointment (@almaakadissapo1) June 3, 2020
Saka har vore omtalt av fleire internasjonale medium, deriblant The Atlantic og Vox.
Trenda på verdsbasis
K-pop er kort for Korean pop. Musikksjangenen har sitt opphav i Sør-Korea, men har dei siste åra fått eit stadig større internasjonalt publikum.
Tallause K-pop-fans verda over tok fullstendig over dei kontroversielle emneknaggane slik at rasistisk innhald drukna i konsertklipp, promobilete og memes.
Paradokset er at fanskaren samstundes sørgja for at #WhiteLivesMatter trenda på verdsbasis, og Twitter kategoriserte emneknaggen som K-pop-innhald.
racists seeing racists#WhiteLivesMatter seeing only
trending world kpop
wide fancams pic.twitter.com/sV5vYoimb6— MAYCEE ⁷ ⟭⟬ ? (@seokjinmylabsss) June 3, 2020
Spamma politi-app
Det er ikkje berre rasistiske emneknaggar som har vorte flauma over av K-pop-videoar. Politiet i Dallas har òg fått merke mobiliseringsevna til fleire millionar fans.
Søndag 31. mai sende politiet i Dallas ut ei Twitter-melding der dei oppmoda folk til å sende inn videoar av «ulovleg aktivitet» på appen iWatch Dallas.
Mange var uroa for at videoane kunne verte nytta til å identifisere og eventuelt arrestere fredelege demonstrantar, melder The Atlantic.
stan twitter nows your chance to use them fancams for GOOD please https://t.co/5FPlL1bkqD
— pretty boy dad (@notextzone) May 31, 2020
K-pop-fansen reagerte raskt og sende tallause eigenfilma konsertklipp (sokalla fancams) frå yndlingsbanda sine til appen. Etter få timar kræsja appen, men kor vidt det skuldast pågangen frå K-pop-fans er framleis uvisst.
you know the drill! SEND IN ALL OF YOUR FANCAMS!!! CRASH THE WEBSITE!!! MAKE THEM TAKE IT DOWN!!! PROTECT THE PROTESTERS!!! https://t.co/tNTjsvhTBy
— j ¹²⁽⁷⁾ ↺ (@ngelwy) June 1, 2020
– Tårer i augene
No vert K-pop-fansen hylla for innsatsen, og fleire påpeiker at dei no set pris på ei gruppe dei tidlegare syntest var irriterande.
why is it 8am and i am literally teary eyed that kpop twitter hijacked the #WhiteLivesMatter hashtag to drown out the racism and fill with fancams and petitions like…..never DRAG THEM AGAIN. kpop stans are FOR THE PEOPLE.
— elijah daniel (@elijahdaniel) June 3, 2020
Også den Oscar-nominerte filmskaparen Jordan Peele takkar for innsatsen:
❤️ #kpopstans
— Jordan Peele (@JordanPeele) June 4, 2020
Den koreanske journalisten Yim Hyun-su påpeiker at dette ikkje er første gong K-pop-fans er politisk aktive, og meiner (vestleg) media har hatt ein tendens til å fokusere på negative narrativ. No er han glad for at fanskaren får den anerkjenninga han meiner dei fortener.
- Lurer du på korleis du kan verte ein betre anti-rasist? Her får du Mariama (22) sine beste tips til kva du kan lese, sjå, høyre og gjere!
Mariama Marong deler sine tips til kva du kan lese, sjå, høyre og gjere for å verte ein betre anti-rasist.
