Svær sædcelleskulptur skaper strid i Stange
Ein gedigen sædcelle har utløyst debatt i Stange i Hedmark om pendlarparkeringa ved E6 er den perfekte plasseringa for skulpturen.
Denne artikkelen er eldre enn 1 år gamal. Det betyr at noko av informasjonen kan vere utdatert.
Gigantisk sædcelle skaper strid
Stange-ordførar Nils A. Røhne (Ap) meiner at pendlarparkeringa ved Uthuskrysset er den beste staden for den elleve meter høge skulpturen, som skal symbolisere noko av det kommunen kan skryte av, nemleg rike jordbruksressursar og eksport av oksesæd.
– For alle dei tusen som passerer her kvar dag, så opnar skogen seg til det fruktbare og frodige landskapet, seier han til NRK.
Venter stor interesse
Vegvesenet er positive til skulpturen, men ikkje til at den skal plasserast på pendlarparkeringa, opplyser seksjonssjef Hans Martin Asskildt.
Han samanliknar sædcella med ein annan skulptur i Innlandet, nemleg den store elgen ved riksveg 3 i Stor-Elvdal.
– Denne skulpturen vil nok skape interesse og merksemd, slik vi òg erfarer frå elgen i Østerdalen. Det betyr at det må leggjast til rette for skodelystne. Pendlarparkeringa må òg sannsynlegvis omregulerast og blir utvida, noko vi ikkje ønsker, seier han.
- Les også om kampanjen som vil ha eiga utstilling av «dei etterlatne»:
– Skamutstoppa dyr treng også kjærleik
Gir seg ikkje
Ordføraren er ikkje ferdig med saka.
– Vi skal ha han opp. Viss vi ikkje får lov her, så skal vi ha han opp ein annan plass, men det er her det er best, seier Røhne.
Linda Bakke er kunstnaren som står bak både elg-skulpturen og sædcella. (©NPK)
LES OGSÅ: Norske Amalie lærte rotta Darius å måle – har selt bileta til USA
Darius. Foto: Privat
