Ingvild Eide Leirfall
Publisert
Oppdatert 11.04.2020 12:04

info

Denne artikkelen er eldre enn 1 år gamal. Det betyr at noko av informasjonen kan vere utdatert.

Vilde Iris Hartveit Kolltvei (23) går under artisnamnet «iris», og kom i 2019 med sin EP-debut: a sensitive being, der mellom anna from inside a car kom på fleire av dei store radiokanalane sine spelelister.

Tidlegare var ho med i popduoen HAGE, men står no på eigne bein som soloartist. Framleis innanfor pop-sjangaren, med litt meir dragning mot electronica/alternativpop.

2019 vart eit suksessår for bergensartisten med konsertar på Trondheim Calling, by:larm, Bergenfest og turné med Aurora på hausten.

I starten av mars i år spelte ho også på Camden Assembly i London.

Her er musikkdagboka til iris:

Favorittsjanger:

Så lenge det får meg til å anten danse eller at det ristar litt i sjela, så kan eg digge det.

Favorittband:

Radiohead.

Første favorittlåt:

Anten Here comes the sun – The Beatles

eller Kiss me – Sixpence none the richer

Kva synest du i dag om musikksmaken din som tenåring?

Mykje bra og fint, eg var glad i veldig trist men veldig fin musikk. Eg føler lite eller ingen skam.

Første album du kjøpte sjølv:

Traveling Wilburys Vol.1

Kva syng du i dusjen?

Teenage Dirtbag – Wheatus. hehehe.

Verdas beste kjærleikslåt?

Clair de lune – Debussy

Kva låt skulle du ynskje du hadde laga?

Die 4 you – Perfume genius

Beste treningsmusikk:

Ariana Grande eller Stein Torleif Bjella.

Guilty pleasure:

K-pop, men det er ikkje guilty, berre pleassshure. Momoland er dødstidi.

Verdas mest oppskrytte band/musikar:

Ohhhh brutalt. Eg klarar ikkje svare på det.

Kva for artist (levande eller død) ville du hatt privatkonsert og middag med i stova di?

Stein Torleif Bjella, så kan eg ta litt situps medan han spelar.

Kva låt vil du ha i bryllaupet ditt?

The funeral – Band of horses

eller Romantikken gjer meg sjuk – Stein Torleif Bjella.

Kva låt vil du ha i gravferda di?

Enter sandman Metallica. No joke.

Og For the widows in Paradise, for the fatherless in Ypsilanti – Sufjan Stevens