Forbrukarrådetåtvarar TikTok-stjerner mot gåve-konkurransar

Forbrukarrådet har sendt brev til fleire av Noregs største stjerner på plattforma TikTok der dei ber dei om å slutte med konkurransar der følgjarane gir gåver.

– Vi rår påverkarar med mindreårige følgjarar frå å operere med «shoutouts» og konkurransar som går ut på at følgjarane skal sende pengar eller gi ei gåve av økonomisk verdi, skriv avdelingsdirektør Tonje Hovde Skjelbostad i brevet, ifølgje ei pressemelding frå Forbrukarrådet.

Les også: Lær deg historie på TikTok

«Shoutout»

Brevet er sendt til fleire av dei største norske profilane på den populære videoplattforma, og til dei største påverkarnettverka.

I brevet skriv Forbrukarrådet at slik verksemd kan vere i strid med fleire av reglane i marknadsføringslova som skal verne barn.

Åtvaringa gjeld òg Snapchat, Instagram og YouTube, der ein påverkar kan ta betalt for å gi følgjarane ein «shoutout», altså at dei offentleg nemner ein brukar slik at brukaren kan få fleire følgjarar.

– Vi er kjende med at nokre påverkarar ber følgjarane om å gi dei virtuelle gåver som kostar pengar mot ein «shoutout», og tilfelle der det blir halde konkurransar der det er om å gjere å gi flest gåver i løpet av eit gitt tidsrom, og den som har gitt gåver til høgast verdi i denne perioden, «vinn» ein dag med påverkarar, skriv Forbrukartilsynet.

• Les også: Fem påverkarar felt av «PFU» for bloggarar

Det samla Fagutvalget for influencermarkedsføring under lanseringa i september 2019. Foto: Andrea Rygg Nøttveit