Finland får verdas yngste statsminister
Sanna Marin (34) blir verdas yngste sitjande statsminister – og den yngste statsministeren i Norden nokosinne.
Denne artikkelen er eldre enn 1 år gamal. Det betyr at noko av informasjonen kan vere utdatert.
Sanna Marin er i dag transportminister, men blir seinare i denne veka utnemnt til den neste statsministeren i Finland.
Ifølgje The Guardian vil Marin bli den yngste sitjande statsministeren i verda.
Det sosialdemokratiske partiet SDP valde søndag Marin som sin statsministerkandidat med knapp margin, ifølgje Hufvudsstadsbladet.
Regjeringskrise
Marin vil erstatta statsminister Antti Rinne frå same parti. Tysdag sist veke valde han å trekka seg som statsminister etter ein poststreik og intern uro i regjeringa. Regjeringskrisa oppstod då den største koalisjonspartnaren Centern uttrykte tvil til statsministeren, ifølgje den finske kringkastaren YLE.
Det sosialdemokratiske partiet opplever rekordlåg oppslutning med berre 13,2 prosent på meiningsmålingane, medan høgrepopulistiske Sannfinnane opplever oppslutning på rekordhøge 24,3 prosent, ifølgje YLE.
– No er det på tide å sjå framover. Kameratar, no er det trong for tillit og stabilitet i Finland, sa Marin etter ho blei valt på valmøtet til SDP, ifølgje Hufvudsstadsbladet.
- Visste du at Europas største sirissfabrikk er i Finland? – Me har trua på ei stor framtid
Kvinnelege partileiarar
Dei fem partia som utgjer den finske regjeringa vil alle vera leia av kvinner.
Li Anderson (32) leier Vänsterförbundet, Maria Ohisalo (34) leier De gröna, Katri Kulmuni (32) leier Centern og Anna-Maja Henriksson (55) leier Svenska folkpartiet.
Sanna Marin blei valt til leiar for bystyret i Finlands neste største by, Tampere, allereie som 27-åring.
Finland’s government is now led by these five party leaders. #newgeneration pic.twitter.com/vis0qB9tO8
— Tuomas Niskakangas (@TNiskakangas) 8. desember 2019
Illustrasjonsfoto: Heraldry of the World
