Her er tala frå Klimabarometeret 2019 – i bilete
Denne artikkelen er eldre enn 1 år gamal. Det betyr at noko av informasjonen kan vere utdatert.
Det er Kantar som gjer undersøkinga, som i år viser at klimaendringar er det flest meiner er vår største ufordring. Her er nokre av nøkkeltala.
Viktigaste sak hos dei fleste velgjargrupper
I nesten alle parti-veljargrupper er det også auke prosentvis og klimaendringar ligg som sak nummer éin hos alle, bortsett frå blant velgjarane til Senterpartiet, Høgre og Frp.
Saka har likevel gått opp i viktigheit blant Sp-velgjarar med 12 prosentpoeng og Høgre-velgjarar med 4 prosentpoeng, sidan januar 2019. Foto: Stortinget/Grafikk:Framtida.no/Tal: Kantar
Framleis viktigast blant unge
Saka «Klimaendringer» står sentralt blant dei under 45 år. Ein ser også at klimaengasjementet blant yngre (dei under 30 år) aukar. Foto: Ingvild Eide Leirfall. Tal: Kantar
Graf: Kantar
Klimaengasjementet er størst blant dei under 45 år. I aldersgruppa 45-59 år er dei mest opptekne av «helse og omsorg», medan dei over 60 år sidestiller «helse» og «klima». Foto/Grafikk: Framtida.no. Tal: Kantar/Klimabarometer 2019
Flest vil prioritere helse
Det er ei auke på «klima og miljø», frå 9% i 2017. Etter klima ligg sysselsetjing, beredskap, samferdsel, kommuneøkonomi, innvandring, forsvar, landbruk, fiskeri og næring, olje og energi – i synkande rekkefølge
Nesten halvparten vil bruka meir pengar på klimatiltak
Ifølgje SSB bruker Noreg omlag tre milliardar kroner i året på klimatiltak som i hovudsak skal redusera utslepp av klimagassar.
44 prosent av befolkinga meiner det må brukast endå meir på klimatiltak. 26 prosent meiner det bør vera som i dag, medan 18 prosent meiner me bør bruka mindre. Foto: Sharon McCutcheon /Unsplash
Over halvparten meiner politikarane gjer altfor lite for å avgrensa utsleppa
59 prosent av velgjarane meiner norske politikarar gjer altfor lite for å avgrensa utslepp av klimagassar i Noreg. Det er ei auke på 11 prosentpoeng frå 2016. Mange av oss er kanskje også litt redde for korleis me er rusta til å møta konsekvensane av klimaendringane: 57 prosent meiner styresmaktene gjer for lite for at me skal tilpassa oss klimaendringane. Foto: ERIC ZHU/Unsplash
Over halvparten meiner Noreg er føregangsland
Sjølv om mange meiner våre politikarar burde gjere meir, ser rekordmange 54 prosent av oss på Noreg som eit føregangsland internasjonalt i klimaspørsmål. I 2016 var det 38 prosent. Foto: Mikita Karasiou /Unsplash
Terningkast 3 til Solberg-regjeringa
Regjeringa får terningkast tre for sin innsats for å redusere utslepp av klimagassar.
10 prosent av velgjarane gir terningkast 1, medan 2 prosent gir dei terningkast 6.
Halvparten meiner Noreg må halda fram med å leite etter olje
26 prosent av oss stiller seg positive til olje som energikjelde. Det er ei auke frå 16 prosent frå 2015 og 19 prosent i 2016. Over halvparten, 54 prosent, sluttar opp om at Noreg bør halda fram med å leite etter olje og gass i same grad som i dag. Foto: Carina Johansen / NTB scanpix. Grafikk: Framtida.no
…men me vil ha meir fornybart
64 prosent meiner likevel at norsk oljeindustri bør gå frå å produsera olje og gass, til å produsera meir fornybar energi, sjølv om det skulle gå på bekosting av inntening. 57 prosent meiner dette, sjølv om det skulle gå på bekosting av arbeidsplassar. Foto: Karsten Würth/Unsplash
79 prosent positive til vindkraft til havs
79 prosent av oss er positive til vindkraft til havs. Toppåret for dette var i 2011, då 89 prosent meinte dette. Det er likevel ein oppgang frå 2016, då talet var 73 prosent. Vindkraft på land har på si side blitt mindre populært. 53 prosent av oss er positive til dette, og det er ein nedgong frå 70 prosent i 2016 og 84 prosent i toppåret 2011. Foto: Daniel Lee /Unsplash
Over halvparten er uroa for konsekvensane
54 prosent er uroa for konsekvensane klimaendringar kan få for dei sjølv og deira næraste. Det er ei auke frå 46 prosent i 2016. Tal: Kantar
Nesten halvparten meiner det påverkar kor dei vil bu
47 prosent seier klimaendringane har noko eller stor betydning kor dei vil busetje seg i framtida.Foto: Luke Stackpoole /Unsplash
Halvparten er pragmatiske i møte med klimakrisa
Segmentering av befolking med utgongspunkt i haldning til klima og klimaåtferd. Grafikk: Kantar/Klimabarometer 2019
Idealistane vert rekna som «svært opptekne av klima og miljøspørsmål, og prioriterer hensynet til klima i det daglige». Her er 62 % kvinner, 32 % frå Oslo, 23 % MDG-velgjarar, og 62 % ser mørkt på framtida. 95 % av desse er villige til å endre åtferd.
Les meir om alle «typane» i rapporten.
Folk er best på kjeldesortering
Kjeldesortering er måten flest bidreg for å redusera eigen belasting på klima og heile 56 prosent svarar at dei gjer det. På andreplass kjem «redusert matsvinn» (52%), på tredjeplass «redusert plast-/emballasjebruk» (43%).
Kun 9 prosent svarar at dei ikkje har gjort noko.
Dei fleste har bil
Grafikk: Framtida.no. Foto: Steinar Engeland/Unsplash
Betre kollektivtilbod må til for å få folk vekk frå bilen
På spørsmålet «Hva skal til for at du vil gå bort i fra å eie egen bil eller redusere bilbruken?», svarte heile 51 prosent at det måtte til betre kollektivtilbod. 15 prosent ville ha betre sykkelvegar.
Me er glade i toget
Heile 86 prosent av oss meiner Jernbanen er den mest effektive, sikre og miljøvenlege måten å frakta mange folk på. 75 prosent er einige i at tog er den mest klimavennlege transportforma. 12 prosent meiner «El/hydrogenbil», 2 prosent «bensin/diesel», 2 prosent «fly» og 1 prosent «båt». Grafikk: Framtida.no. Foto: JK /Unsplash
Fleire vil ha el-bil
12 prosent av oss har el-bil i dag, medan 41 prosent har dieselbil og 34 prosent har bensingbil. El-bileigarane har aukt med tre prosent frå 2016, medan andelen diesel og bil, har gått noko ned i same tidsrom.
Og over halvparten er optimistar
Sjølv om mange ser alvoret, er likevel fleirtalet optimistar og har tru på at me globalt sett vil lukkast i åra framover, med å redusere utslepp av klimagassar. Grafikk: Framtida.no. Foto: Nghia Le/Unsplash. Kantar/Klimabarometer 2019
