Oljebyen Stavanger har ikkje hatt ein Ap-ordførar sidan Tore Nordtun i 1993. No ligg dottera hans Kari Nessa Nordtun (33) an til å gjere Stavanger raud igjen.
NPK-NTB/Andrea Rygg Nøttveit
NPK-NTB/Andrea Rygg Nøttveit

Kari Nessa Nordtun seier til NRK at samtalane med samarbeidspartnarane SV, Raudt, Miljøpartiet Dei Grøne, Senterpartiet og Folkeaksjonen Nei til mer bompenger ser lovande ut.

– Sjansane for at vi kjem fram til ein samarbeidsavtale er større no enn då måndagen starta, seier Nessa Nordtun natt til tysdag.

– Eg trur sannsynet er 70 prosent

Tysdag morgon var ordførarkandidaten enno tydelegare i talen:

– Eg trur sannsynet er 70 prosent. I alle fall godt over 50 prosent, seier Kari Nessa Nordtun til Stavanger Aftenblad.

I Stavanger har Arbeidarpartiet gått ned eitt prosentpoeng sidan valet i 2015, men alle samarbeidspartnarar har vakse sidan det førre lokalvalet. Det er nok til å gjere Stavanger raud for første gong sidan 1993.

Ap-politikaren vil ikkje seia kva venstresida vil tilby Folkeaksjonen Nei til mer bompenger (FNB) for å sikra fleirtalet. Bompengepartiet hamna på vippen i Stavanger og får truleg seks mandat i kommunestyret.

Forfattar Tore Renberg slo nyleg eit slag for nynorsken,. No går han inn i politikken for Arbeidarpartiet i Stavanger. Foto: Tommy Ellingsen/Forlaget Oktober
Forfattar Tore Renberg slo nyleg eit slag for nynorsken,. No går han inn i politikken for Arbeidarpartiet i Stavanger. Foto: Tommy Ellingsen/Forlaget Oktober
Oppdatert: onsdag 11. september 2019 08.47

Kommentarar

ANNONSE