NASA opnar romstasjonen for turistar frå 2020
Denne artikkelen er eldre enn 1 år gamal. Det betyr at noko av informasjonen kan vere utdatert.
NASA vil opne Den internasjonale romstasjonen (ISS) for kommersiell turisttrafikk frå 2020. Men billeg blir det ikkje.
– Nasa opnar ISS for kommersielle moglegheiter og vil marknadsføre desse moglegheitene som vi aldri har gjort før, seier Nasas finansdirektør Jeff DeWitt.
Les også: Ein kinesisk romsonde har landa på ein tidlegare uutforska del av månen
To turar årleg
Den amerikanske romfartsorganisasjonen planlegg i første omgang to tur-retur-reiser årleg.
Opphaldet på romstasjonen skal kunne vare i opptil 30 dagar, og dei private astronautane må ut med 35.000 dollar, godt over 300.000 kroner, per døgn.
Den Internasjonale Romstasjonen går i bane nær jorda, i ein såkalt Low Earth Orbit. Foto: NASA
I tillegg må den som ønsker seg ein romtur, ordne med transport sjølv. NASA vil ikkje stå for reisa til ISS for verken privatpersonar eller bedrifter. Det vil derimot selskapa Space-X og Boeing, etter å ha fått løyve av NASA til å fly mellom romstasjonen og jorda.
Ein tur-retur-billett med eitt av desse selskapa vil koste om lag 500.000 kroner.
Hensikta med å opne romstasjonen for kommersiell trafikk er å betre NASAs økonomi og la privat sektor bli meir involvert i romfart.
– Det er stor entusiasme i kommersiell sektor for dette, trur Jeff DeWit.
Les også: NASA har funne 1.284 nye planetar
