ANNONSE
ANNONSE
Framsida SAMFUNN Éin av fire danskar trur på reinkarnasjon
Illustrasjonsfoto: Pixabay.com

Éin av fire danskar trur på reinkarnasjon

No trur fleire danskar på reinkarnasjon enn på klassiske kristne førestillingar om himmel og helvete, viser ei ny undersøking.
NPK-NTB-Ritzau
NPK-NTB-Ritzau

24 prosent av danskane trur at sjela blir atterfødt i ein ny lekam når dei døyr, medan berre 19 prosent trur at dei kjem til himmelen og 10 prosent at dei hamnar i helvete, viser Den Danske Værdiundersøgelse.

Undersøkinga blir først offentleggjort seinare i månaden, men blir omtalt av avisa Kristeligt Dagblad.

Har du lyst til å lære dansk? Ta eit kurs med Jakob Oftebro.

– Reinkarnasjon er ein behageleg idé

Førestillinga om reinkarnasjon, eller såkalla sjelevandring, finn ein særleg innan hinduisme og buddhisme, medan det blir avvist heilt innan kristendommen, jødedommen og islam.

– Vi lever i ei tid der alt går raskare og der mange har ei nærast manisk førestilling om ikkje å gå glipp av noko. Vi vil rekke over alt, for vi har berre dette eine forsøket. Reinkarnasjon gir ein behageleg idé om at vi får eit forsøk til, seier religionssosiolog Henrik Reintoft Christensen ved Aarhus Universitet.

Ifølgje undersøkinga trur 39 prosent av danskane på eit liv etter døden, men prost Poul Henning Bartholin i Aarhus Domkirke meiner prestane må bli tydelegare på kva dette inneber.

– Undersøkinga tyder på at det er behov for medlemsinformasjon i folkekyrkja. For reinkarnasjon er noko heilt anna enn det kyrkja står for, seier han.

Les også om Bømlo-elevane som har forska på konfirmasjon før og no: Presten ville nekta ei jente med krøller å konfirmera seg

konfirmasjon
Sadia Moon Sultana, Lene Gilje Sæverud, Hedda Geitung Håvik og Karoline Røksund har forska på religionsliv og konfirmasjon før og no på Bømlo. Foto: Svein Olav B. Langåker
Oppdatert: onsdag 8. mai 2019 16.04

Kommentarar

ANNONSE