DNT ung lanserer regnbogelue og singeltreff for skeive
Denne artikkelen er eldre enn 1 år gamal. Det betyr at noko av informasjonen kan vere utdatert.
DNT ungs landsstyre har på seg dei nye regnbogeluene. Foto: Natalie Hermansen/DNT ung
– Lua skal gi eit tydleg signal om at alle er velkomne i naturen, uavhengig av identitet, kjærleik og seksuell legning, seier nyvald leiar i DNT ung Markus Malmin i ei pressemelding.
Hovudplagg med fargar som signaliserer sivilstatus starta som ein aprilsnarr, men vart fort ein slager til fjells.
No lanserer DNT ung ein meir inkluderande versjon av den grøne singellua.
I fjor blei Den Norske Turistforening Ung utfordra på at dei berre arrangerte singelturar for dei som fell innanfor dei tradisjonelle normene, difor har dei òg bestemt seg for å arrangere singelturar for skeive under fjellfestivalen Vinjerock i år.
Les også: «Bygdehomo» vender heim til Bygdepride
