Ivanka Trump reagerer på støvsugande kunstverk
Denne artikkelen er eldre enn 1 år gamal. Det betyr at noko av informasjonen kan vere utdatert.
I ei kunstutstilling ved Flashpoint Gallery i Washington DC vert tilskodarar oppmoda til å kasta smular som ein levande Ivanka Trump-etterlikning støvsugar opp.
Installasjonen Ivanca vacuuming av kunstnaren Jennifer Rubell har fått mykje merksemd i media etter at den amerikanske presidentdottera sjølv tok til Twitter for å kommentera:
Women can choose to knock each other down or build each other up. I choose the latter. https://t.co/MFri4xKhNI
— Ivanka Trump (@IvankaTrump) 5. februar 2019
Ivanka – dotter, kone, mor, søster, modell, arbeidskvinne og blondine
I pressemeldinga frå Cultural DC heiter det at verket er inspirert av ein figur som i offentlegheita har teke på seg ei nesten komisk breidde av ulike feminine identitetar – dotter, kone, mor, søster, modell, arbeidskvinne og blondine.
Med verket vil kunstnaren både feira eit feminint samtidsikon og stilla spørsmål ved vårt forhold til denne rollefiguren.
Donald Trump jr, som er bror til Ivanka, er heller ikkje imponert og kritiserer verket for å vera sexistisk.
Sad, but not surprising to watch self professed “feminists” launching sexist attacks against @IvankaTrump. In their crazed world, sexism is OK if hurts their political enemies.
That’s ok, they can go put on their stupid hats & she’ll get back to actually fighting for women. https://t.co/yxXIDz2R8e
— Donald Trump Jr. (@DonaldJTrumpJr) 5. februar 2019
Les også: Feirer stemmerettsjubileet med å løfte fram kvinnelege parlamentsmedlem
Maktsjukt publikum
Kunstnaren sjølv forklarar kvifor verket er komplisert.
Konseptkunstnaren Jennifer Rubell vil at publikum skal stille spørsmål ved ikonet Ivanka og vårt forhold til rollefiguren. Foto: Ryan Maxwell
– Me nyter å kasta smulane for at Ivanka skal støvsuge. Det er den ubehagelege sanninga i senteret av verket. Det er morosamt, det er tilfredsstillande, det får oss til å føle oss mektige og me vil gjera meir, forklarar Rubell i pressemeldinga.
Ho peikar på at responsen gjer at tilskodaren føler seg mektig, men når ein veit at ho kjem til å fortsetja å støvsuga same kva ein gjer – kven har då ansvaret?
Les også: Mellomvalet i USA: No vert det meir trøbbel for Trump
