Kva skjer med Simpsons-karakteren Apu?
Den indiske butikkeigaren Apu Nahasapeemapetilon har fått kritikk for å fremja stereotypiar.
Denne artikkelen er eldre enn 1 år gamal. Det betyr at noko av informasjonen kan vere utdatert.
Det var komikar Hari Kondabolu som først peika på problemet med Apu då han i fjor lanserte dokumentarfilmen Problemet med Apu.
Den indiske eigaren av den lokale Kwik-E-Mart-butikken har vore med i den populære teikneserien The Simpsons i ei årrekkje.
Serieskaparane har tidlegare valt å kommentera kritikken på denne måten:
#TheSimpsons completely toothless response to @harikondabolu #TheProblemWithApu about the racist character Apu:
“Something that started decades ago and was applauded and inoffensive is now politically incorrect… What can you do?” pic.twitter.com/Bj7qE2FXWN
— Soham (@sohamberlamps) 9. april 2018
Les også: Rasistisk? – Slapp av, seier serie-skaparane
Hevdar Apu skal ut
No siterer Nettavisen internasjonale kjelder på at The Simpson-skaparane har teke kritikken til følgje og vil droppa karakteren.
– Dei skal droppa Apu-karakteren heilt, seier Adi Shankar til nettstaden Indiewire.com.
Via Twitter svarar The Simpsons-forfattar Al Jean på rykta med å understreka at Adi Shankar ikkje snakkar for The Simpsons:
Adi Shankar is not a producer on the Simpsons. I wish him the very best but he does not speak for our show.
— Al Jean (@AlJean) 28. oktober 2018
Produsent, Youtube-personlegheit og skodespelar Adi Shankar. Foto: vagueonthehow, CC BY 2.0
Manuskonkurranse om Apu-problemet
Den indisk-amerikanske produsenten, skodespelaren og Youtube-personlegheita Shankar har engasjert seg sterkt i skjebnen til Apu Nahasapeemapetilon.
Han har nemleg halde ein manuskonkurranse for å løysa Apu-problemet.
Vinnaren Vishaal Buch, som til vanleg jobbar som doktor i Maryland, har valgt å la Apu klatra opp karrierestigen frå butikkeigar til businessmann.
Adi Shankar forklarar problemet i ein pilot som viser korleis den nye Simpsons-episoden kan bli:
– Ein TV-serie om feigheit
Shankar hadde håpa at Fox News ville produsera episoden om Apu. Han er ikkje i tvil om at den satiriske tv-serien gjer ein tabbe om dei no vel å droppa karakteren for å unngå kontroversen.
– Om du har ein TV-serie om kulturelle kommentarar, og du er for redd til å kommentera kultur, spesielt når det er ein komponent du har vore med på å skapa, då er du blitt ein TV-serie om feigheit, seier han til Indiewire.com.
Shankar er trygg på at han kan laga ein The Simpsons-episode som passar inn i universet til Simpsons-skapar Matt Groening og er open for å inkludera etablerte Simpsons-skodespelarar som Hank Azaria, mannen bak Apu.
Les også: Harry Potter-skapar skulda for rasisme
Er Apu daud?
Då Indiewire kontakta Fox for å stadfesta informasjonen frå Shankar fekk dei beskjed om at Apu dukka opp i episoden My Way or the Highway to Heaven, den 14. oktober i år. I denne tredje episoden i serien sin no trettiande sesong ser ein Apu i eitt enkelt bilete der fleire karakterar står rundt gud i himmelen.
Blant dei som reagerer på Apus varsla bortgang er Liberalistene Oslo:
