Tenåringar tek etter pillebruken til foreldra
Det er ein samanheng mellom korleis foreldra brukar reseptfrie smertestillande legemiddel og forbruket til tenåringsbarna, viser ein ny norsk studie.
![](https://framtida.no/wp-content/uploads/2023/09/Framtida-logo-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Tenåringar brukar piller som foreldra
Studien viser også at kvinner og tenåringsjenter brukte meir av slike legemiddel enn menn og tenåringsgutar.
– Vi påviser at barn som ikkje sjølve er plaga av hovudverk tek til seg foreldra sin måte å bruke smertestillande på og dei fekk tilsynelatande ein lågare terskel for å ta reseptfrie smertestillande preparat, seier UiO-professor Christofer Lundqvist til Dagens Medisin.
Dei smertestillande legemidla som blir brukte er stort sett Paracet (paracetamol) og Ibux (ibuprofen), fortel Lundquist.
– Desse medisinane er jo lett tilgjengelege i butikken rundt hjørnet. Eg tenkjer at farane ved overforbruk er ei oppgåve for helsetenesta og skulehelsetenesta å informere om, seier Lundqvist.
Nyleg melde Folkehelseinstituttet at stadig fleire unge jenter blir forgifta etter overdosering av paracetamol.