Rekordmange studentar vel utvekslingsopphald
Om lag 6900 norske studentar tok utvekslingsopphald som del av utdanninga i 2016. Det svarar til ein auke på sju prosent frå året før.
![](https://framtida.no/wp-content/uploads/2023/09/Framtida-logo-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Fleire studentar vel å studere i Europa, men færre vel utanlandsopphald i USA, dette skriv Senter for internasjonalisering for utdanning (SIU) på sine heimesider.
– Økonomiske faktorar spelar heilt klart inn. At den norske krona fell, betyr at det blir dyrare å studere i land som USA, der skulepengane ligg høgt og levekostnadane ikkje er spesielt låge. I ein slik situasjon verkar Europa som meir freistande for mange, seier Vidar Pedersen, avdelingsdirektør på SIU.
Det er hovudsakleg utvekslingselevar med Erasmus-stipend som står for auken. Erasmus står i ei særstilling. Med ein Erasmus-avtale mellom ein norsk og europeisk lærestad, er det ikkje lov med skulepengar. Samstundes får studenten Erasmus-stipendet i tillegg til vanleg stønad frå Lånekassen, ifølgje SIU.