Erna Solberg og Bill Gates satsar milliardar for å utvikle vaksinar mot nye og ukjende epidemiar.

mm

Ei internasjonal satsing på å utvikle nye vaksinar mot framtidige epidemiar vart lansert på World Economic Forum i Davos onsdag.

Japan, Norge, Tyskland og stiftingane Bill & Melinda Gates Foundation og Wellcome Trust står bak ei samla oppstartsinvestering på 4 milliardar kroner, skriv Folkehelseinstituttet.

Noreg skal bidra med ein milliard kroner, og får hovudsete for koalisjonen, som også får kontor i London og Dehli.

– Vi har eit felles mål om å hjelpe verdas fattigaste, og Noreg er på mange måtar det mest generøse landet i verda, seier Gates til NRK.

– Klare når alarmen går
– Ebola og Zika viste at verda er tragisk uførebudd på å oppdage lokale utbrot og reagere raskt nok til å hindre dei frå å bli globale pandemiar. Utan investeringar i forsking og utvikling, vil vi fortsatt ikkje vere førebudde når vi står ovanfor dei neste truslane, uttala Gates til VG.

Fagsjef i Folkehelseinstituttet, John Arne Røttingen, har leia det midlertidige sekretariatet av CEPI sidan i fjor sommar.

Han fortel at målet er å lage ein plattform som gjer det lettare å kome fram med ei vaksine dersom det dukkar opp ukjende virus.

– Det blir litt som brannvesenet; vi er klare når alarmen går. Det gjer at vi raskere kan stanse ein epidemi, seier Røttingen til VG.

LES OGSÅ: Kva vert langtidskonsekvensane av Zika-viruset?

Oppdatert: onsdag 24. mai 2017 16.14

LES OGSÅ

ANNONSE