Åtvarar om databruk i utlandet etter prisendringar
Er du usikker på kor mykje det kostar å bruke internett i utlandet? No går Forbrukarombodet ut og ber folk passe på etter at fleire mobiloperatørar har endra prisane sine.
![](https://framtida.no/wp-content/uploads/2023/09/Framtida-logo-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Åtvarar om databruk i utlandet
– Prisar på mobilsurfing kan variere mykje frå abonnement til abonnement. Sidan mange operatørar no endrar prisane sine, er det lurt å sjekke kva slags roamingprisar som gjeld for abonnementet ditt i det landet du skal reise til, seier fungerande forbrukarombod Bente Øverli.
Frå neste sommar av har Europaparlamentet vedteke å fjerne alle roamingavgifter innanfor EU og EØS, slik at mobilbruk ikkje skal koste nemneverdig meir. Delar av reglane er allereie gjeldande, men prisane varierer veldig frå mobiloperatør til mobiloperatør.
– Det er viktig at forbrukarane kan samanlikne ulike tilbod ta informerte val. Difor må marknadsføring av mobilabonnement vere tydeleg, meiner Øverli.
Forbrukarombodet ber folk passe ekstra godt på i ferien, og ikkje tru at mobilsurfing no er billegare for alle.
– Vi vil følgje nøye med på marknadsføring av mobilabonnement framover for å sikre at forbrukarane får god informasjon om prisar for utanlandsbruk, avsluttar Øverli. (©NPK)
LES OGSÅ: Slepp unna mageplager på utanlandsferie