No kjem lær som ikkje kjem frå daude dyr
Ei oppstartsbedrift i New York har samla inn 53,5 millionar dollar til å «dyrka» lær i laboratoriet, i staden for å ta det frå daude dyr.
Denne artikkelen er eldre enn 1 år gamal. Det betyr at noko av informasjonen kan vere utdatert.
No kjem lær som ikkje kjem frå dyr
Selskapet heiter Modern Meadow, og vart grunnlagd i 2011. Dei jobbar med å produsera lær i laboratoriet, utan at dyr skal bli slakta. Dei har samla inn 53,5 millionar dollar til prosjektet sidan 2011, skriv Futurism.
Å dyrka lær i laboratoriet i staden for å slakta til dømes kyr har fleire fordelar: Ikkje berre slepp ein å skada og slakta dyr, men prosjektet har store miljøfordeler. Å produsera lær på den tradisjonelle måten er ei stor påkjenning, både med tanke på kor mykje ressursar kyrne treng og den kjemiske prosessen læret går gjennom etter at det har blitt tatt frå kua.
Les også: Apropos kyr! Har du sett Blosom, den høgste kua som har levd?
Med prosessen, kalla biofabrikering, kan selskap som Modern Meadow designa og gro fram sitt eige lær, utan å gå gjennom heile prosessen med kyrne.
Ifølgje Futurism jobbar Modern Meadow også med å dyrka fram kjøt på same måte.
Les meir:
Nordmenn et mindre kjøt – i fjor gjekk kjøtforbruket i landet ned for første gong på lenge.
