Organisasjonen Inspiring Fifty har laga ei liste over dei mest inspirerande kvinnene i den nordiske teknologibransjen. Nesten halvparten kjem frå Sverige.

23 svenskar, 13 danskar, 6 finnar og 8 norske kvinner er på lista over dei femti mest inspirerande kvinnene i den nordiske teknologibransjen. Lista er laga av profilerte kvinner og menn i bransjen, journalistar og andre med påverknadskraft.

Svenskane dominerer lista fullstendig, med 23 av 50 representantar. Blant dei finn du også Robyn, som nok er meir kjend for musikken. Ho hamnar på lista for å ha grunnlagt Tekla Tech Festival, ein tech-festival for jenter i alderen 11-18 år. I år vart festivalen arrangert for andre gong.

Av dei 50 på lista kom også fire på lista over dei 50 mest inspirerande kvinnene i teknologibransjen i Europa. Blant dei fire var to norske: Anita Krohn-Traaseth, direktør i Innovasjon Norge, og Berit Svendsen, direktør i Telenor.

Desse norske kvinnene hamna på lista:

Anita Krohn-Traaseth, direktør i Innovasjon Norge

Berit Svendsen, direktør i Telenor

Kristin Skogen Lund, direktør i NHO

Hanna Aase, grunnleggar og direktør i Wonderloop

Jeanette Dyhre Kvisvik, grunnleggar og direktør i Villoid

Isabelle Ringnes, grunnleggar av TENK Norway

Anne-Sofie Risåsen, direktør i Capgemini Norway

Anita Schjøll Brede, med-grunnleggar og direktør i IRIS AL

Meir om teknologi:

Ein liten robot kan hjelpa langtidssjuke barn ut av isolasjonen

Langt inne i Sognefjorden er ein eigen versjon av Silicon Valley

Denne 20-åringen har ein ganske genial idé, som kan rydda verdshava

Oppdatert: onsdag 24. mai 2017 16.10

LES OGSÅ

Kommentarar

ANNONSE