LEGO vil droppa plasten

Anders Veberg
Publisert
Oppdatert 24.05.2017 16:05

info

Denne artikkelen er eldre enn 1 år gamal. Det betyr at noko av informasjonen kan vere utdatert.

Det skriv LEGO i ei pressemelding. Ein milliard danske kroner blir sprøyta inn i det nystarta LEGO Sustainable Materials Centre, som etter planen skal tilsetta 100 personar som skal finna eit alternativt materiale å laga lego-brikker av i framtida. Innan 2030 er målet at lego-brikkene skal bli laga av eit fornybart materiale.

LES OGSÅ: Om klimaendringar – og rosa fly

– Dette er eit stort steg på vegen mot 2030-målet om fornybare material, seier LEGO-presidenten Jørgen Vig Knudstorp.

– Me har allereie tatt viktige steg for å redusera karbonavtrykket vårt og å ha ein positivt effekt på planeten, legg Knudstorp til i pressemeldinga, og peikar på mindre og FSC-godkjend innpakning, og investering i ein vindmøllepark offshore. At LEGO gjekk over til mindre innpakning i fjor reduserte papirforbruket med 14 prosent.

Senteret blir etablert i løpet av året og neste år, og bygger vidare på eit ønskje som først vart ytra av LEGO i 2012, om å laga brikkene sine av eit meir berekraftig materiale enn plastikk.

I fjor vart det produsert over 60 milliardar lego-brikker.

LES OGSÅ: Blir Fifty Shades meir sexy med lego?