AUF jublar over Støre-tale

Arbeidarpartiets Ungdomsfylking har etterlyst ei ny retning i asyl- og flyktningpolitikken til moderpartiet. Dei har lagt fram krav om ei hjelpepakke på 1,5 milliardar til humanitær hjelp i syriske flyktningleirar og at talet på syriske kvoteflyktningar skal aukast til 5.000.

Allereie første dag av Arbeidarpartiets landsmøte på Folkets Hus kunne ungdomspartiet jubla for sin første siger, då Støre uttala at Noreg bør ta imot 5.000 i år og like mange i 2016.

– Me ser ein region der millionar er på flukt. Verda har ikkje sett noko verre sidan andre verdskrigen. Dei landa som kan gi eit ekstra bidrag, må gjere det. Me skal svare på appellen og styrke den humanitære hjelpa til dei katastroferamma i Syria, Irak og nabolanda. Då må vi hjelpe dei som er i nød, der krisa er, vise solidaritet og nestekjærleik, sa Støre ifølgje NTB.

LES OGSÅ: Å vise hjarterom

Politisk fleirtal
AUF-leiar Mani Husseini, som sjølv har bakgrunn som syrisk flyktning jubla på Twitter:

Fantastisk! AUFs første landsmøteseier kommer allerede én time inn i #APLM. Vi jubler for 10000 syriske flyktninger! #VelkommenSyria

— Mani Hussaini (@ManiHussaini) 16. april 2015

Med Arbeidarpartiet på laget ser det ut til å bli politisk fleirtal for at Noreg skal ta imot 10.000 syriske kvoteflyktningar dei neste to åra.

Venstre vedtok førre helg at Noreg skal ta imot 10.000 syriske flyktningar dei neste åra, medan KrFU tek til orde for at moderpartiet KrF skal gjere det same.

Både KrFU-leiar Emil André Erstad og tidlegare AUF-leiar Eskil Pedersen var tidleg ute på Twitter og gratulerte:

Veldig, veldig bra at @jonasgahrstore tar ansvar for den humanitære katastrofa. Eg er imponert. Gratulerer @aufnorge! #aplm

— Emil André Erstad (@emiers) 16. april 2015

Fantastisk. @Arbeiderpartiet og @jonasgahrstore vil ta imot 10.000 syriske kvoteflyktninger i løpet av 2 år. Stolt! #aplm

— Eskil Pedersen (@eskilpedersen) 16. april 2015