Fawzi Warsame er ny leiar i AUF

Fawzi Warsame (28) frå Oslo er valt som ny leiar i Arbeidarane si ungdomsfylking (AUF). Han tar over stafettpinnen frå Gaute Skjervø, som har leia ungdomsorganisasjonen sidan 2024.

Warsame er advokatfullmektig i selskapet EY. Han har tidlegare vore internasjonal leiar i sentralstyret i AUF. Dessutan sit han i bystyret i Oslo og er vara på Stortinget.

Landsmøtet valde dessutan Fabian Wahl Sandvold (25) frå Vestfold til ny generalsekretær i AUF. Kristine Holden (23) frå Trøndelag er valt som 1. nestleiar, medan Sandra Kalland Tenud (28) frå Vestland er 2. nestleiar.