– Er ueinig med styrevedtaket
Denne artikkelen er eldre enn 1 år gamal. Det betyr at noko av informasjonen kan vere utdatert.
Tysdag denne veka heldt Forskarforbundet medlemsmøte. Styrevedtaket frå Høgskulen i Volda om byggje vidare på Mørealliansen og formalisere samarbeidet vidare vart diskutert, og mot slutten av møtet var det gjort ei avstemming blant dei tretti medlemmene som møtte opp.
LES OGSÅ: – Skund dykk, Volda, skund dykk!
– Vi ynskjer at Høgskulen i Volda skal halde fram som ein sjølvstendig høgskule i samarbeid med andre høgskular. Den faglege kvaliteten som vi gir ved Høgskulen i Volda må stå i sentrum. Vi ser ikkje nokon grunn til å slå saman Volda med høgskulane i Ålesund og Molde, og det vil ikkje styrke faga som vi har i Volda. Vi vil ha samarbeid med andre høgskular på basis av å styrke faga som vi har, og det er allereie fleire samarbeid med m.a. Sogndal og Bergen som har fokus på faga. Førelesarar frå Volda føreles i Sogndal og Bergen, og det fungerer også andre vegen. Vi vil ha eit best mogleg tilbod i Volda, og er ueinig med styrevedtaket som er gjort. Dette er ei melding som vi vil ta med oss til møtet med kunnskapsdepartementet i Molde onsdag, seier leiar Erling Sivertsen.
