Æ, Ø og Å på veg ut
Det blir mindre og mindre populært med namn med Æ, Ø og Å, viser tal frå Statistisk Sentralbyrå.
Denne artikkelen er eldre enn 1 år gamal. Det betyr at noko av informasjonen kan vere utdatert.
Det skriv NRK. Grunnen er ein generell nedgang i nordiske namn, men internasjonalt orienterte foreldre vil nok og unngå særnorske bokstavar i namna til borna sine, seier professor i nordisk språkvitskap ved Universitetet i Tromsø, Gulbrand Alhaug, til NRK.
LES OGSÅ: Yah! Amerikanorsken lever
Færre dobbeltnamn og større spreiing
Tala viser og at det har blitt langt færre dobbelnamn i Noreg, samt ei mykje større spreiing.
– På 1900-talet kunne det vore så mange som 15 prosent i kullet som heitte det same. No er det sjeldan me ser at eit namn når over to prosent, forklarar Alhaug til NRK.
LES OGSÅ: Store skilnader i språkbruk
Han legg og til at det er vanskeleg å spå korleis navnetrendene vil endra seg i åra som kjem framover, og at det er mange faktorara som spelar inn. I fjor var variantar av namnet Filip det mest populære gutenamnet, medan Emma var mest populært for jenter.
Faktaboks
Topplista for namn i 2013
Gutar
1. Filip/Fillip/Philip/Phillip
2. William
3. Lucas/Lukas
4. Mathias/Matias
5. Jakob/Jacob
6. Oskar/Oscar
7. Oliver
8. Alexander/Aleksander
9. Magnus
10. Isak/Isac/Isaac
Jenter
1. Emma
2. Sara/Sarah
3. Sofie/Sophie
4. Ingrid/Ingerid
5. Nora/Norah
6. Maja/Maia/Maya
7. Linnea/Linea
8. Thea/Tea
9. Sofia/Sophia
10. Emilie
