Lovar svar om teoriprøve
Samferdselsdepartementet ber om orsaking for seint svar til ungdomsrådet i Fyresdal.
Denne artikkelen er eldre enn 1 år gamal. Det betyr at noko av informasjonen kan vere utdatert.
To og eit halvt år etter at Fyresdal ungdomsråd vedtok å arbeida for at det skal bli mogleg å ta teoriprøva for førarkort andre stader enn på trafikkstasjonane til Vegvesenet, ventar dei enno. Både i mai og september i fjor etterlyste dei svar frå Samferdselsdepartementet, utan å høyra eit pip.
LES OGSÅ: Heilt stille i teoriprøvesaka
Men etter at Vest-Telemark Blad først skreiv om saka i dag, har departementet no fått opp farten. I dag svarar dei i brev til ungdomsrådet:
– Samferdselsdepartementet beklagar sterkt at me ikkje har svart på brevet. Me ser saman med Vegdirektoratet nærmare på problemstillinga i lys av Statens vegvesens arbeid med utvikling av ein brukarstrategi for trafikant- og køyretøyområdet, det generelle effektiviseringsarbeidet til etaten og vidareutviklingen av datasystem for vegvesenet. Me vil koma tilbake med eit svar i løpet av kort tid, skriv departementet i eit brev til ungdomsrådet.
