Statkraft har gitt opp planane om å byggje det som skulle bli det første saltkraftverket i verda på Sunndalsøra. Marknadsutsiktene er for vanskelege, meiner selskapet.

NPK
NPK
Faktaboks
LES FAKTALUKK FAKTA

Statkraft har dei siste fire åra prøvd å vinne ut saltkraft i liten skala på Tofte i Østfold, og i vår fekk dei klarsignal frå Noregs vassdrags og energidirektorat (NVE) til å byggje eit pilotanlegg for saltkraftproduksjon på Sunndalsøra i Møre og Romsdal. Men det blir det altså ikkje noko av.

– Det er vanskeleg å sjå at dette kjem til å bli konkurransedyktig i marknadene våre, seier avdelingsleiar Stein Erik Skihagen i Statkraft til Teknisk ukeblad.

Selskapet har investert rundt 200 millionar kroner i prosjektet. I tillegg har Forskingsrådet, EU, Skattefunn, Enova og Innovasjon Noreg støtta utviklinga med til saman 60 millionar.

Saltkraft går ut på å utnytte energien som blir frigjort når saltvatn møter ferskvatn, såkalla osmose. Det norske prosjektet har vore banebrytande, men no overlèt dei til andre å føre ideane vidare. (©NPK)

LES OGSÅ: Satsar på kraft av flo og fjære

Oppdatert: onsdag 24. mai 2017 15.49

LES OGSÅ

ANNONSE