– Unge har dårleg arbeidsmoral
Denne artikkelen er eldre enn 1 år gamal. Det betyr at noko av informasjonen kan vere utdatert.
Det viser tal frå ei fersk arbeidsmarknadsundersøking gjort av Respons Analyse AS for bemannings- og rekrutteringsselskapet Proffice.
– Generasjon Y, dagens 20-åringar, har for lengst fått rykte på seg for å vere illojale mot arbeidsgivarar, motiverte av lønn og for å ville ha større balanse mellom jobb og fritid. Dei har god råd og har blitt fortalt av foreldra sine at dei har uendelege moglegheiter. Funna i undersøkinga kan tyde på at mange leiarar meiner det er liv i dette ryktet, seier Stein André Haugerud, direktør i Proffice.
I undersøkinga blei leiarar som har tilsette under 30 år i bedrifta si, spurt kva dei synest om arbeidsmoralen til denne gruppa. 41 prosent meinte at dei unge har dårlegare arbeidsmoral enn dei andre tilsette, medan berre 6 prosent meiner arbeidsmoralen til dei unge er betre.
Talane står i skarp kontrast til kva unge tilsette sjølv meiner. Halvparten meiner at arbeidsmoralen deira er betre enn hjå andre kollegaer, medan berre 1 av 10 meiner han er dårlegare. (©NPK)
Kva meiner du om undersøkinga?
