Vil leggje ned pelsdyrfarmar med tvang
SV foreslår ei gradvis nedtrapping for å avvikle pelsdyrnæringa i Noreg innan 2019. Farmar som på det tidspunktet framleis er i drift, skal leggjast ned med tvang.
Denne artikkelen er eldre enn 1 år gamal. Det betyr at noko av informasjonen kan vere utdatert.
Vil tvinge pelsnæringa
Forslaget går ut på ei gradvis nedtrapping før bransjen skal vere heilt vekk i 2019. Som del i nedtrappingsplanen foreslår partiet å forby etablering av nye farmar frå 2015.
Vidare foreslår SV ei gradvis nedtrapping av subsidieringa. Pengane skal i staden brukast på overgangsordningar fram mot 2019, skriv Dagbladet.
Les meir: Forbrukarane nyttar ikkje makta si
–Næringa må ikkje kjenne seg lurt
Farmar som ikkje er vekk i 2019, skal leggjast ned med tvang, foreslår partiet.
– Desse fristane er ikkje absolutte, men vi meiner det er viktig å varsle i god tid. Vi tek næringa på alvor, og meiner ho bør få handlingsrom til å avvikle og omstille seg. Næringa må ikkje kjenne seg lurt, seier næringspolitisk talsmann i SV, Alf E. Holmelid.
Les meir: –Jordbruket i ferd med å kollapse
Vil invitere til møte
Norges Pelsdyralslag er ikkje entusiastisk.
– Dette er ikkje ein plan vi har tenkt å stille oss bak, seier samfunns- og myndigheitskontakt Guri Wormdahl i Norges Pelsdyralslag.
Ho vil no invitere partia på Stortinget til eit møte slik at Norges Pelsdyralslag kan gi eit nyansert bilete av næringa.
I dag er det rundt 300 pelsdyrfarmar i Noreg med totalt rundt éin million pelsdyr. Næringa vert subsidiert med rundt 40 millionar kroner i året
Les kommentar: Synnøve Kvamme: –Pels er fint…på dyr
