Sogn og Fjordane får nynorsk forum

Hovudoppgåva til forumet vert å følgje språkutviklinga i fylket og setje søkjelys på aktuelle problemstillingar.

Fylkeskommunen skal vere deltakar i forumet på linje med andre deltakarar. Fylkestinget valde Jan Olav Fretland som fylkeskommunen sin representant.

Det er eit mål å forankre forumet breitt og på tvers av sektorar. Dette er viktig for å byggje eit slagkraftig organ som evnar å «ta pulsen». Kommunesektoren, utdanningsinstitusjonar, næringsorganisasjonar, arbeidstakarorganisasjonar og media er døme på aktørar som er viktige målgrupper. (©NPK)