Tek snarveg til nyttårsaftan
Viss du les denne meldinga fredag, kan du ikkje vera i Samoa.
Denne artikkelen er eldre enn 1 år gamal. Det betyr at noko av informasjonen kan vere utdatert.
Den vesle øystaten i Stillehavet har nemleg bestemt seg for å hoppa over fredag 30. desember.
Meir konkret har Samoa bestemt seg for å droppa ein tidssoneallianse med USA og flytta si eiga tidssone 24 timar fram for å koma på lik linje med Asia, New Zealand og Australia. Etter å ha lagt seg torsdag kveld, vil innbyggjarane dermed ikkje stå opp igjen før laurdag morgon.
Dette betyr også at frå alltid å vera sistemann til å feira nyttårsaftan, vil samoanarane i år vera blant dei aller første til å jubla for det nye året.
Statsminister Sailele Malielegaoi trur tidsendringa vil gjera det lettare for Samoa å handla med nøkkelpartnarar.
– No treng vi ikkje lenger å oppleva at folk ringjer oss frå New Zealand og Australia på ein måndag og trur det er måndag også her, medan vi eigentleg har auga igjen og sit og ber i kyrkja. Og vice versa på fredagar; når vi ringjer opp kontaktar som allereie har reist på helgeturar på laurdagane, seier han.
– Det vil ta bort ein masse forvirring rundt reisetider for samoanarane og spesielt for turistar som kjem til Samoa, legg han til. (©NPK)
LES OGSÅ: Kampen om sommartida
Faktaboks
Samoa er eit land forma av ei øygruppe i Polynesia i Stillehavet. Cirka 193.000 innbyggjarar.