Jublar for nynorsk mobilbank
Norsk Målungdom jublar etter at Sparebank 1 har lansert mobilbanken sin på nynorsk.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Sparebank 1 har skaffa seg eit språkleg konkurransefortrinn, meiner leiar i Norsk Målungdom, Janne Nygård.
Ved å tilby tenestene sine på det språket brukaren vil ha, meiner ho banken skil seg klårt frå andre storbankar.
– Det viser at dei tek kundane på alvor, meiner Nygård, som trur kunande set pris på at Sparebank 1 tek ansvar for det norske språkmangfaldet.
Den unge målungdomsleiaren, som sjølv er ein hyppig mobilbankbrukar, meiner den teknologiske utviklinga gjer det enklare for nynorskbrukarar å sjå språket sitt i kvardagen. Ho meiner ballen no ligg hjå dei andre storbankane, som i hovudsak tilbyr tenestene sine på bokmål.
– No er det opp til dei andre bankane å passa på at dei ikkje blir hengjande etter, seier Nygård. (©NPK)
