Studentar flyktar frå Arbeidarpartiet
Ikkje lenger raudt fleirtal mellom studentane i Noreg.
Denne artikkelen er eldre enn 1 år gamal. Det betyr at noko av informasjonen kan vere utdatert.
Studentar flyktar frå Arbeidar- partiet
Dette viser ei undersøking utført av Sentio på vegne av Norsk studentorganisasjon og Universitas. Arbeidarpartiet går tilbake frå 32 prosent i mai 2009 til 23,5 prosent no i november.
Høgre kaprar nest flest sympatisørar blant studentane. Dei går opp frå 17,2 til 20,8 prosent. Venstre og Sosialistisk venstreparti går også fram.
Professor ved Institutt for samanliknande politikk ved Universitetet i Bergen, Frank Aarebrot, er ikkje overraska over den dalande oppslutninga til Arbeidarpartiet. Han meiner at svingningen er eit resultat av feil fokus.
– For at studentane skal snu i tilhøve til de raud-grøne trur eg regjeringa må slutte å snakke så mykje om forsking og heller snakke spesifikt om universitet og høgskular, seier Aarebrot til Universitas.
Faktaboks
- AP: 23,5 prosent (32)
- Høgre: 20,8 prosent (17,2)
- SV: 16,1 prosent (14,8)
- Venstre: 10,9 prosent (8,4)
- FrP: 10,8 prosent (10,5)
- Raudt: 4,8 prosent (4,6 )
- SP: 5,3 prosent (4)
- KrF: 3,9 prosent (6,2)
- Andre: 3 prosent (?)
- Kjelde: Universitas
