«Likestilling skal ikkje bety at den eine gruppa må stå i skuggen»

På elektro derimot, opplever eg at jenter får mykje merksemd og tilrettelegging – ofte med god intensjon.

Dei blir løfta fram, oppmoda og får støtte for å halde fram i eit mannsdominert fag.

Eg forstår godt at noko tilrettelegging er nødvendig for å oppnå reell likestilling, men eg meiner det må vere ei grense. I dag er det eit stort behov for fagarbeidarar i næringslivet, særleg elektrikarar. Men det bør ikkje vere slik at ein gut skal settast bak ei jente berre på grunn av kjønn, når begge har same interesse og kompetanse for yrket. Likestilling må handle om å velje den som er best kvalifisert – ikkje om å kompensere for statistikk. Når tiltak og oppfølging blir så omfattande at det nesten gjer det vanskelegare for gutar å bli sett, har balansen tippa feil veg.

Likestilling skal ikkje bety at den eine gruppa må stå i skuggen for at den andre skal få lys.

Vi må finne ein mellomveg der både jenter og gutar kan kjenne seg likestilt, utan at nokon får ei særstilling berre på grunn av kjønn.

For ekte likestilling handlar ikkje om å kompensere – det handlar om å behandle alle med same respekt, dei same forventningane og dei same moglegheitene.