Gravide slankar seg til små barn
Leiaren i Jordmorforbundet meiner det er ein trend blant ein del gravide å slanke seg for å føde små barn, helst under tre kilo.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Denne trenden er å utsetje barnet for unødig helserisiko, og noko vi vil rå ifrå på det sterkaste, seier Hanne Schjelderup-Eriksen til Aftenposten.
– Ein annan konsekvens er at kvinner som er for tynne, oftare må gi opp å fullamme barna sine, fordi amminga er svært energikrevjande, seier Schjelderup-Eriksen, som er leiar Jordmorforbundet, faggruppa for jordmødrer i Norsk Sykepleierforbund.
LES OGSÅ: Barneteikningar kan avsløra IQ
Ny trend
Allmennlege Kari Løvendahl Mogstad, som sit i referansegruppa for barnehelse i Legeforeningen og Nasjonalt råd for fødsel og barselomsorg, er bekymra, ho òg.
– Ein av dei nye trendane blant ein del framtidige mødrer er å gå minst mogleg opp i vekt under svangerskapet, og ei av årsakene ser ut til å vere at dei ønskjer seg eit lite, nett og lett barn, seier ho.
LES OGSÅ: Tette fødslar aukar dødsrisikoen
Risiko
Løvendahl Mogstad åtvarar om at for låg fødselsvekt kan gi auka risiko for blant anna ADHD, høgt blodtrykk og metabolske sjukdommar i vaksen alder.
Gjennomsnittsvekta for nyfødde er rundt 3.500 gram, og eit nyfødt barn blir ikkje rekna som stort før det er over 4.500 gram. Likevel er det status i ein del miljø å få barn som helst skal vege under tre kilo, skriv avisa.
